ඇමරිකානු සහ ඊශ්රායල ප්රහාර හේතුවෙන් ඉරානයේ කොම් (Qom) නගරයේ නිවාස තුනක් ඉලක්ක කරමින් එල්ල වූ ගුවන් ප්රහාරවලින් පුද්ගලයන් හය දෙනෙකු ජීවිතක්ෂයට පත්ව ඇති අතර, තවත් පිරිසක් තුවාල ලබා තිබේ. අගනුවර වන ටෙහෙරාන් නගරයේ මධ්යම ප්රදේශවලට එල්ල වූ ප්රහාර හේතුවෙන් විනාශ වූ ගොඩනැගිලිවල සුන්බුන් අතර සිරවී සිටින පිරිස් බේරා ගැනීම සඳහා ඉරාන රතු අඩ සඳ සංවිධානයේ සහන කණ්ඩායම් මේ වන විට දැඩි මෙහෙයුමක නිරතව සිටිති.
ඊයේ රාත්රියේ සිට ටෙහෙරාන් නගරය පුරා ප්රබල පිපිරුම් හඬවල් ඇසුණු බවත්, ඩ්රෝන ප්රහාර වැළැක්වීම සඳහා එරට ගුවන් ආරක්ෂක පද්ධති ක්රියාත්මක වූ බවත් විදෙස් වාර්තා සඳහන් කරයි. බටහිර අසර්බයිජාන් ප්රාන්තයේ උර්මියා (Urmia) ප්රදේශයේ පිහිටි නිවාස සංකීර්ණයක් ද සෘජු මිසයිල ප්රහාරයකට ලක්ව ඇති අතර, එහි තිබූ නිවාස හතරක් සම්පූර්ණයෙන්ම විනාශ වී තිබේ. මෙම ප්රහාරය හේතුවෙන් ද සිවිල් වැසියන් පිරිසක් මියගොස් තවත් පිරිසක් තුවාල ලබා ඇති බව ප්රාන්ත බලධාරීන් තහවුරු කරයි.
යුද්ධය ආරම්භ වී මාසයකට ආසන්න කාලයක් ගතවන විට ඉරානය තුළ මියගිය සංඛ්යාව 2,000කට ආසන්න වෙමින් පවතින බව ඉරාන සෞඛ්ය අමාත්යාංශය පවසයි. ඒ අනුව මේ වන විට පුද්ගලයන් 1,937 දෙනෙකු ජීවිතක්ෂයට පත්ව ඇති අතර ඉන් 240 දෙනෙකු කාන්තාවන් වන අතර 212 දෙනෙකු කුඩා දරුවන් බව වාර්තා වේ. තුවාල ලැබූ සංඛ්යාව 25,000කට ආසන්න වී ඇති අතර පවතින මානුෂීය අර්බුදය හමුවේ රෝහල් පද්ධතිය ද දැඩි පීඩනයකට ලක්ව ඇත.
