‘දිට්වා’ සුළි කුණාටුවෙන් හානියට පත් ආගමික මධ්යස්ථාන ප්රතිසංස්කරණය කිරීමේ අරමුණින් ක්රියාත්මක වන ‘ගොඩනගමු අධිෂ්ඨානයේ සන්හිඳ’ ජාතික වැඩපිළිවෙළ හෙට (27) ජනාධිපති අනුර කුමාර දිසානායක මහතාගේ ප්රධානත්වයෙන් ආරම්භ වීමට නියමිතය.
ජනාධිපති මාධ්ය අංශය (PMD) සඳහන් කළේ, එම කුණාටුව හේතුවෙන් දිවයින පුරා ආගමික, සංස්කෘතික සහ පුරාවිද්යාත්මක වැදගත්කමකින් යුත් ස්ථාන 1,000කට අධික සංඛ්යාවක් විනාශ වී ඇති බවයි.
බුද්ධ ශාසන, ආගමික හා සංස්කෘතික කටයුතු අමාත්යාංශයේ මෙහෙයවීමෙන් ක්රියාත්මක වන මෙම වැඩපිළිවෙළ මඟින් හානියට පත් පූජනීය ස්ථාන කඩිනමින් ප්රතිසංස්කරණය කර වන්දනාමාන කටයුතු සඳහා යළි විවෘත කිරීම ඉලක්ක කර ඇත.
ආපදාවට ලක් වූ ප්රදේශවල ජනතාවගේ ආධ්යාත්මික අවශ්යතා සපුරාලීමට සහ උරුමයන් ආරක්ෂා කිරීමට මෙම වැඩසටහන සුවිශේෂී දායකත්වයක් ලබා දෙනු ඇතැයි අපේක්ෂා කෙරේ.
