නව ජාතික ඛනිජ ප්රතිපත්තිය පාර්ලිමේන්තුවේ සම්මත කර ක්රියාත්මක කරන තෙක්, ඉදිකිරීම් ක්ෂේත්රයට අදාළ ද්රව්ය හැර අනෙකුත් සියලුම ඛනිජ කැණීම් බලපත්ර නිකුත් කිරීම තාවකාලිකව අත්හිටුවීමට රජය තීරණය කර තිබේ. කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා ඊයේ (06) පැවැති මාධ්ය හමුවකදී ප්රකාශ කළේ ඉල්මනයිට්, රූටයිල්, සර්කෝන් සහ ගානට් වැනි බර ඛනිජ සඳහා වන සියලුම ගවේෂණ සහ කැණීම් බලපත්ර මෙලෙස අත්හිටුවා ඇති බවයි. කෙසේ වෙතත් නිවාස හා ඉදිකිරීම් ක්ෂේත්රයට අත්යවශ්ය වැලි සහ ගල් වැනි ද්රව්ය සඳහා මෙම තහනම බලනොපාන බව ද අමාත්යවරයා මෙහිදී පැහැදිලි කළේය.
රටේ ඛනිජ සම්පත්වලින් ජාතියට උපරිම ප්රතිලාභ ලබාගැනීම අරමුණු කරගත් නව ප්රතිපත්තියට අදාළ මාර්ගෝපදේශ එළඹෙන මාර්තු මාසය අවසන් වීමට පෙර ගැසට් පත්රයක් මගින් ප්රකාශයට පත් කිරීමට නියමිතය. විනිවිදභාවය තහවුරු කිරීම සඳහා සමස්ත බලපත්ර ක්රියාවලියම ඩිජිටල්කරණය කිරීමට පියවර ගන්නා බවත්, නීතිවිරෝධී කැණීම් සහ රාජ්ය භාගය නොගෙවන ජාවාරම්කරුවන් මැඩලීම සඳහා ජනාධිපති අනුමැතිය ඇතිව “ක්ෂණික වැටලීම් ඒකකයක්” ස්ථාපිත කරන බවත් අමාත්යවරයා වැඩිදුරටත් සඳහන් කළේය. මිරිජ්ජවිල ප්රදේශයේ ඛනිජ වැලි කැණීම සඳහා කිසිදු පෞද්ගලික ආයතනයකට වත්මන් රජය යටතේ අවසර ලබා දී නොමැති බවත්, සමාජ මාධ්ය ඔස්සේ පැතිර යන්නේ අසත්ය වාර්තා බවත් අමාත්යවරයා මෙහිදී අවධාරණය කළේය.
