2029 ජනාධිපතිවරණය සඳහා ශ්රී ලංකා පොදුජන පෙරමුණේ පාර්ලිමේන්තු මන්ත්රී නාමල් රාජපක්ෂ මහතා පොදු විපක්ෂ අපේක්ෂකයා ලෙස ඉදිරිපත් කිරීමට කිසිදු තීරණයක් ගෙන නොමැති බව සමගි ජන බලවේගයේ පාර්ලිමේන්තු මන්ත්රී හර්ෂණ රාජකරුණා මහතා අද (02) පැවති මාධ්ය හමුවකදී ප්රකාශ කළේය. මෑතකදී පැවති උත්සවයකදී නාමල් රාජපක්ෂ මහතා වටා සමගි ජන බලවේගයේ මන්ත්රීවරුන් කිහිපදෙනෙකු සිටීම සම්බන්ධයෙන් මාධ්යවේදීන් නැඟූ ප්රශ්නයකට පිළිතුරු දෙමින් ඔහු අවධාරණය කළේ, එම උත්සවය සඳහා තම පක්ෂයේ කිසිදු මන්ත්රීවරයෙකුට ඔහු ආරාධනා කර නොතිබූ බවයි. “සමගි ජන බලවේගයේ කිසිදු මන්ත්රීවරයෙක් රාජපක්ෂවරුන් සමඟ එක්වන්නේ නැහැ” යනුවෙන් ද රාජකරුණා මහතා මෙහිදී වැඩිදුරටත් අවධාරණය කළේය.
