ක්රිකට් පරිපාලන ආයතන මෙහෙයවිය යුත්තේ “පිත්තක් අල්ලන්නටවත් නොදන්නා” පුද්ගලයන් නොව, ක්රීඩාව පිළිබඳ ප්රායෝගික අත්දැකීම් ඇති හිටපු ක්රීඩකයන් විසින් බව ඉන්දීය ශ්රේෂ්ඨාධිකරණය අවධාරණය කරයි. මහාරාෂ්ට්ර ක්රිකට් සංගමයේ (MCA) ක්රියාකාරිත්වය සහ නිලවරණ ආරවුල් සම්බන්ධයෙන් පැවති නඩු විභාගයකදී අධිකරණය මෙම විශේෂ නිරීක්ෂණය සිදු කර තිබේ.
ක්රිකට් ක්රීඩාව වෘත්තීය මට්ටමින් තේරුම් ගත් විශ්රාමික කීර්තිමත් ක්රීඩකයන්ට පරිපාලන වගකීම් ලබා දිය යුතු බවත්, ක්රීඩාව ගැන අවබෝධයක් නැති පිරිස් අතට පාලනය පත් නොවිය යුතු බවත් අධිකරණය මෙහිදී ප්රකාශ කළේය. විශේෂයෙන්ම ක්රීඩාව කෙරෙහි මහජනතාවගේ විශාල අවධානයක් පවතින පසුබිමක, පරිපාලනය තුළ විශේෂඥතාව, විශ්වසනීයත්වය සහ විනිවිදභාවය තිබිය යුතු බව ශ්රේෂ්ඨාධිකරණය අවධාරණය කළේය.
ඡන්දදායකයින්ගේ ලැයිස්තුවේ අක්රමිකතා හේතුවෙන් මහාරාෂ්ට්ර ක්රිකට් සංගමයේ නිලවරණය අත්හිටුවීමට බොම්බේ මහාධිකරණය ලබා දී තිබූ නියෝගයට මැදිහත් වීම ප්රතික්ෂේප කරමින් ශ්රේෂ්ඨාධිකරණය මෙම අදහස් පළ කර ඇත.
