තම පියාට අයත් පෞද්ගලික මෝටර් රථයක බඳ දෙපස නිල් පැහැති අකුරින් “පොලිස්” යනුවෙන් සටහන් කරගෙන අලුයම් කාලයේ කතරගම නගරයේ සැරිසැරූ තරුණයෙකු සහ තවත් පුද්ගලයෙකු කතරගම පොලිසිය විසින් අද (19) අත්අඩංගුවට ගෙන තිබේ.
අද අලුයම 1.45ට පමණ රාත්රී ජංගම මුර සංචාරයේ නිරතව සිටි කතරගම පොලිස් නිලධාරීන් කණ්ඩායමක් විසින් මෙම මෝටර් රථය නවත්වා පරීක්ෂා කර ඇත. එහිදී රථයේ ස්වරූපය පිළිබඳව සැක සිතී රියදුරු සහ එහි ගමන් කළ අනෙක් පුද්ගලයා අත්අඩංගුවට ගෙන ප්රශ්න කර තිබේ. මෙලෙස අත්අඩංගුවට පත්ව ඇත්තේ කතරගම, ගලහිටිය සහ සෙල්ලකතරගම පදිංචි අවුරුදු 30 සහ 38 වයස්වල පසුවන පුද්ගලයන් දෙදෙනෙකි.
මූලික ප්රශ්න කිරීම්වලදී සැකකරුවන් පවසා ඇත්තේ ටෙලි නාට්යයක රූගත කිරීමක් සඳහා මෙලෙස රථයේ “පොලිස්” යනුවෙන් සටහන් කළ බවයි. කෙසේ වෙතත්, එවැනි රූගත කිරීමක් සම්බන්ධයෙන් කතරගම පොලිසිය මීට පෙර දැනුවත් කර නොමැති බව විමර්ශනවලදී අනාවරණය වී ඇත. කතරගම පොලිසියේ නිලධාරීන් කණ්ඩායමක් විසින් අත්අඩංගුවට ගත් සැකකරුවන් සහ මෝටර් රථය සම්බන්ධයෙන් වැඩිදුර විමර්ශන ක්රියාත්මක වේ.
