සපුගස්කන්ද පැත්තේ හෝටලයකට ගිය පෙම් යුවළකට අදහාගත නොහැකි සිදුවීමකට මුහුණ දෙන්න වෙලා. තමන්ගේ පාඩුවේ කාමරේ ඇතුළේ හිටපු මේ දෙන්නාව හොර රහසේ වීඩියෝ කරපු හෝටල් මැනේජර් දැන් ඉන්නේ කූඩුවේ!
පසුගිය දෙසැම්බර් 31 වැනිදා අලුත් අවුරුද්ද සමරන්න හිතාගෙන මේ පෙම්වතුන් ජෝඩුව Online හරහා කාමරයක් වෙන් කරගෙන හෝටලයට ගිහින් තිබුණා. හැබැයි රාත්රී කාලයේ ඔවුන් කාමරේ ඉන්න කොට එකපාරටම බිත්තියේ තිබුණු පුංචි සිදුරකින් අමුතු එළියක් වැටිලා තියෙනවා. සැක හිතිලා බැලුවම තමයි වැඩේ මාට්ටු වෙලා තියෙන්නේ. හෝටල් මැනේජර් එහා පැත්තේ ඉඳන් තමන්ගේ ජංගම දුරකථනයෙන් මේ දෙන්නාව රහසින් වීඩියෝ කරනවා!
වහාම ක්රියාත්මක වුණු පෙම්වතා පොලිසියට දැනුම් දුන්නට පස්සේ රාගම පදිංචිකරුවෙක් වුණු මේ මැනේජර්ව අත්අඩංගුවට ගත්තා. පොලිසිය ඔහු සතුව තිබුණු වටිනා ‘ඇපල්’ (Apple) වර්ගයේ ජංගම දුරකථන දෙකක් පරීක්ෂා කරලා තිබුණා. එහිදී හෙළි වුණු කම්පිතම දේ තමයි ඒ ෆෝන් දෙකේම අසභ්ය වීඩියෝ දර්ශන රැසක් තිබීම! මොහු කාලයක ඉඳන් මේ වගේ දේවල් කළාද කියන සැකය දැන් මතුවෙලා.
සපුගස්කන්ද පොලිසිය, සැකකරු අද (07) මහර අධිකරණයට ඉදිරිපත් කළා. කරුණු සලකා බැලූ අතිරේක මහේස්ත්රාත් බණ්ඩාර ඉලංගසිංහ මහතා නියෝග කළේ මේ මස 16 වැනිදා දක්වා සැකකරුව රක්ෂිත බන්ධනාගාර ගත කරන්නයි.
