තරුණියකට බෙල්ලට පිහියකින් ඇන මරා දැමීමේ සිද්ධියක් සම්බන්ධයෙන් මේ වන විට ලොව පුරා ජනතාවගේ හදවත් කම්පාකරමින් තිබෙනවා.
මරණයට පත් යුවතිය යුක්‍රේන සංක්‍රමණික තරුණියක වන ඉරිනා සරුට්ස්කා යන තරුණියයි.
ඇය ආරක්ෂාව සොයා ඇමරිකාවට පැමිණියත් ඇයට සිදු වූයේ ඒ වෙනුවට මුළු මහත් ජාතියක් කම්පා කර ඇති ඛේදවාචකයක කේන්ද්‍රස්ථානයට ඇයට පත් වීමටයි.
වයස අවුරුදු 23 ක් වූ ඉරීනා සරුට්ස්කා , යුක්රේනයේ යුද්ධයේ භීෂණයෙන් බේරී සිටියේ එක්සත් ජනපදයේ ඇගේ ජීවිතය නැවත ගොඩනඟා ගැනීමේ අපේක්ෂාවෙන්.
මිතුරන් ඇයව විස්තර කළේ ඉතාම බොළඳ නමුත් වෙහෙස මහන්සි වී වැඩ කරන, නිතර සිනාසෙන සහ වඩා හොඳ අනාගතයක් නිර්මාණය කිරීමට සිහින මැවූ කෙනෙකුන් ලෙසයි.
සියල්ල වෙනස් වූ දිනය 2025 අගෝස්තු 22 වන දිනය
23 හැවිරිදි සරුට්ස්කා, චාලට් හි ලින්ක්ස් බ්ලූ ලයින් දුම්රියකට ගොඩ වී ක්ෂණයකින්, ඇගේ ජීවිතය කුරිරු මාරාන්තික ප්‍රහාරයකින් අහිමි වෙයි.
ඛේදවාචකය නම් මගීන් මවිතයට පත් කළ මෙම මරණයේ දී ඇයට කිසිම විදිහක උපකාරයක් නොමැති වීමය. සිද්දිය බලා සිටිමට හැකි වීමය.
සරුට්ස්කා දුම්රියට නැඟී සැකකරුට කෙළින්ම ඉදිරිපිට අන්තරාල ආසනයක වාඩි වී සිටි අතර ඔහු තැඹිලි පැහැති ස්ෙවට් ෂර්ට් එකක් පැළඳ ජනේල අසුනක සිටිනු දක්නට ලැබෙනවා.
34 හැවිරිදි ඩෙකාර්ලෝස් බ්‍රවුන් ජූනියර් නම් මරණකරු එම ආසනය ඉදිරිපිටම පිහිටා තිබුණා.
දුම්රිය “ආසන්න වශයෙන් මිනිත්තු හතරහමාරක් ගමන් කරන අතර, සැකකරු තම සාක්කුවෙන් පිහියක් ඇද, පිහිය දිග හැර, විරාමයක් තබා, පසුව නැඟිට, සරුට්කාගේ ගෙල සිඳ දමනවා.
සරුට්ස්කා එම ස්ථානයේදීම මියගොස් තිබෙනවා.
පිහියෙන් ඇනීමට පෙර, දෙදෙනා අතර කිසිදු අන්තර් ක්‍රියාකාරිත්වයක් නොතිබූ බව” පෙනී ගියා.
34 හැවිරිදි මරණකරුට සොරකම් කිරීමේ සහ මිණිමරුම් චෝදනා ඇතුළු අපරාධ වාර්තාවක් තිබෙනව බවට වාර්තා වනවා. 2015 සිට භයානක ආයුධයක් සමඟ මංකොල්ලකෑම සම්බන්ධයෙන් ඔහු වසර පහක් සිරගතව සිටි බවත් වාර්තා වනවා.
