සෞඛ්ය ක්ෂේත්රය ඇතුළේ නිතරම ආන්දෝලනාත්මක කතා කියන චරිතයක් වුණු වෛද්ය රුක්ෂාන් බෙල්ලන මහතාට අද (19) දින රජයේ රැකියාවෙන් සමුගන්න සිදුවෙලා තියෙනවා. ඒ කියන්නේ, වහාම ක්රියාත්මක වන පරිදි ඔහුගේ වැඩ තහනම් කරන්න බලධාරීන් පියවර ගෙන තිබෙනවා.
ඇයි මේ හදිසි තීරණය?
කාලයක් තිස්සේ විවිධ මාධ්ය ඉදිරියේ පෙනී සිටිමින් රෝගීන්ගේ පුද්ගලික තොරතුරු හෙළි කිරීමත්, තමන්ට හිතුණු හිතුණු දේවල් ප්රකාශ කරමින් රට තුළ අනවශ්ය කැළඹීමක් ඇති කිරීමත් මේ වැඩ තහනමට ප්රධාන හේතු ලෙස සඳහන් වෙනවා. බලධාරීන් පවසන්නේ මෙය බරපතළ “විෂමාචාරී ක්රියාවක්” බවයි.
රජයේ බඩු බාර දීලා ගෙදර යන්න වෙයි!
වැඩ තහනමත් එක්ක බෙල්ලන මහතාට ලැබුණු නිල නියෝගය වෙන්නේ, ඔහු සතුව ඇති රජයේ දේපළ සියල්ල ජාතික රෝහලේ නියෝජ්ය අධ්යක්ෂ ජනරාල්වරයා නම් කරන නිලධාරියෙකුට වහාම භාර දිය යුතු බවයි. ඒ විතරක් නෙවෙයි, මේ කාලය ඇතුළත ප්රදේශයෙන් බැහැරව යනවා නම් හෝ පදිංචිය වෙනස් කරනවා නම් ඒ ගැනත් දැනුම් දීම අනිවාර්යයි.
“බැරි වුණොත් හිඟා කනවා…” – බෙල්ලනගෙන් සැර ප්රතිචාරයක්!
තමන්ගේ රැකියාව අහිමි වීම ගැන බෙල්ලන මහතා තුළ කිසිම පසුතැවීමක් නැති පාටයි.
මාධ්යවේදීන් ඔහුගෙන් මේ ගැන ප්රශ්න කරපු වෙලාවේ ඔහු දුන්න උත්තරය තමයි මේ
“මම වෛද්යවරයෙක්. මට ඕනෙ නම් ප්රයිවට් ප්රැක්ටිස් කරලා හරි ජීවත් වෙන්න පුළුවන්. ඒකත් බැරි වුණොත් හිඟා කනවා. කෝටිපතියෝ පවා හිඟා කන කාලෙක ඕක මට ප්රශ්නයක් නෙවෙයි. දැන් ඔයගොල්ලෝ ඇවිත් මගෙන් මේවා අහනවා, ආයෙත් ඉතින් මට විනය පරීක්ෂණ තියයි!”
