බුලත්කොහුපිටිය ප්රාදේශීය ලේකම් කොට්ඨාසයට අයත් හිග්ගොඩ, කබගමුව, තුම්මුදුන, එළගල්ල, පන්නල සහ කනන්ගමුව යන ගම්මානවල සැරිසරන කොටින් හේතුවෙන් ප්රදේශවාසීන් දැඩි භීතියට පත්ව සිටිති.
ගම්වැසියන් පවසන්නේ කොටින් නිතර ගම් වැදී නිවෙස්වල ඇති කරන එළුවන්, ගවයන් සහ සුනඛයන් පැහැරගෙන යන බවයි.
මෙම වනසතුන්ගේ තර්ජනයට ස්ථිර විසඳුමක් ලබාදීමට බලධාරීන් කටයුතු නොකිරීමට විරෝධය පළ කරමින් හිග්ගොඩ බුදු මැදුර අසලදී ඊයේ (27) නිහඬ විරෝධතාවක් ද පවත්වා තිබේ.
වනජීවී නිලධාරීන් සහ පරිසර අමාත්යාංශය මැදිහත් වී මෙම කොටි උවදුර පාලනය නොකළහොත් මිනිස් ජීවිත පවා අනතුරේ වැටිය හැකි බවට ගම්වාසීහු අනතුරු අඟවති. කෑගල්ල දිස්ත්රික්කයේ වසන්ත කුමාර මහතා විසින් මෙම පුවත වාර්තා කර ඇත.
