ඔඩ්ඩමාවඩි නාවලඩි හන්දියේදී ටී 56 ගිනි අවි දෙකක් සහ පතොරම් කිහිපයක් සන්තකයේ තබාගෙන සිටි මවුලවියකු පොලිස් විශේෂ කාර්ය බළකාය විසින් ඊයේ අත්අඩංගුවට ගෙන තිබිණි.
මේ වන විට ඔහු සම්බන්ධයෙන් වැඩිදුර තොරතුරු පොලිසිය අනාවරණය කර ඇත.
අත්අඩංගුවට ගත් සැකකරු වැඩිදුර විමර්ශන සඳහා ත්රස්ත විමර්ශන කොට්ඨාසය (TID) වෙත භාරදී ඇත.
ඔට්ටමාවඩි, නාවලඩි ප්රදේශයේදී ගිනි අවියක් රැගෙන යතුරුපැදියකින් ගමන් කළ පුද්ගලයකු සම්බන්ධයෙන් අරලගංවිල පොලිස් විශේෂ කාර්ය බළකා කඳවුරේ නිලධාරීන්ට යුධ හමුදා බුද්ධි බළකාය විසින් තොරතුරු ලබාදී ඇත.
ඒ අනුව සැකකරු අත්අඩංගුවට ගෙන ඇති අතර ඔහු සන්තකයේ තිබී ටී 56 ගිනි අවියක්, මැගසිනයක් සහ පතොරම් 29ක් සොයා ගෙන ඇත.
සැකකරුගෙන් කළ ප්රශ්න කිරීම්වලින් අනතුරුව ලද තොරතුරක් මත පොලිස් විශේෂ කාර්ය බළකායේ නිලධාරීන් ඔහුගේ සොහොයුරාගේ නිවසද වැටළීමේදී තවත් ටී 56 ගිනි අවියක්, මැගසිනයක් සහ පතොරම් 30ක් සොයාගෙන තිබේ.
ප්රශ්න කිරීමේදී වාලච්චේන බුදිරිය නගරයේ පදිංචි 43 හැවිරිදි සැකකරු පවසා ඇත්තේ තමන් නාවලපිටිය ප්රදේශයේ මව්ලව්වරයෙකු ලෙස සේවය කරන බවයි.
එමෙන්ම මෙම ගිනිඅවි හිටපු එල්.ටී.ටී.ඊ සාමාජිකයෙකුගෙන් මිලදීගත් බවත් ගිනිඅවි කෙරෙහි ඇති දැඩි උනන්දුව හේතුවෙන් ඒවා තමන් ළඟ තබාගත් බවත් ඔහු සඳහන් කර ඇත.
