මහනුවර නගර සීමාව තුළ අනවසරයෙන් ඉදිකර ඇති ගොඩනැගිලි 10ක් වහාම කඩා ඉවත් කර ගන්නා ලෙස මහනුවර මහ නගර සභාව එම අයිතිකරුවන්ට ලිඛිතව දැනුම් දී තිබේ.
මහනුවර නාගරික කොමසාරිස් ඉන්දිකා අබේසිංහ මහත්මිය සඳහන් කළේ, අදාළ නිවාස සහ ව්යාපාරික ස්ථාන සම්බන්ධයෙන් නගර සභාව විසින් පවරා තිබූ නඩුවලින් ලැබුණු අධිකරණ තීන්දුවලට අනුව මෙම පියවර ගත් බවයි. මෙම ගොඩනැගිලි අතරින් කිහිපයක් ඉවත් කර ගැනීමට ඒවායේ හිමිකරුවන් දැනටමත් එකඟතාව පළ කර ඇත.
මෙම අධිකරණ තීන්දු 2022 වසරේ සිට ලබාගෙන තිබුණද, විවිධ හේතූන් මත මෙතෙක් ක්රියාත්මක නොවූ බව කොමසාරිස්වරිය පෙන්වා දුන්නාය.
මහනුවර නගරයේ පදික වෙළෙඳුන් සහ අනවසර ඉදිකිරීම් හේතුවෙන් පැන නැගී ඇති ගැටලු විසඳීමේ පියවරක් ලෙස මෙම ක්රියාවලිය කඩිනම් කර තිබේ.
නියමිත කාලය තුළ අදාළ ඉදිකිරීම් ඉවත් නොකළහොත්, නීතිමය බලතල ප්රකාරව ඒවා කඩා ඉවත් කිරීමට නගර සභාව පියවර ගනු ඇත.
