අන්තර්ජාතික ක්‍රිකට් කවුන්සිලයේ (ICC)නවතම ශ්‍රේණිගත කිරීම් අනුව එක්දින පන්දු යවන්නන්ගේ ලැයිස්තුවේ 06 වැනි ස්ථානය දක්වා ඉදිරියට පැමිණීමට ශ්‍රී ලංකා ක්‍රීඩක මහීෂ් තීක්ෂණ සමත්ව තිබේ.
ඒ, නවසීලන්තය සමග පසුගිය දා අවසන් වූ එක්දින තරගාවලියේදී දැක්වූ දක්ෂතා හේතුවෙනි.
ඔහු එම ශ්‍රේණිගත කිරීම්වල 12 වන ස්ථානයේ සිට 6 වන ස්ථානය දක්වා ඉදිරියට පැමිණ ඇත.
මහීෂ් තීක්ෂණ අන්තර්ජාතික ක්‍රිකට් කවුන්සිලයේ පන්දුවාර විස්ස තරග රටාවේ පන්දු යවන්නන්ගේ ශ්‍රේණිගත කිරීම් ලැයිස්තුවේ පස්වැනි ස්ථානයේ රැදී සිටියි.
