මහ මැතිවරණය සඳහා තැපැල් ඡන්දය අයැදුම්පත් භාරගැනීම අද (සැප්. 25) සිට සිදුකරන බව මැතිවරණ කොමසාරිස් ජනරාල් සමන් ශ්‍රී රත්නායක පවසයි.
ඔහු මේ බව සඳහන් කළේ, අද පැවති මාධ්‍ය හමුවකදී ය.
පාර්ලිමේන්තුව ඊයේ (සැප්. 24) මධ්‍යම රාත්‍රියේ විසුරුවා හැරීමට ජනාධිපති අනුර කුමාර දිසානායක කටයුතු කළේ ය.
ඒ අනුව, මහ මැතිවරණය නොවැම්බර් 14 වන දා පැවැත්වීමට නියමිත ය.
පාර්ලිමේන්තු මැතිවරණය සඳහා නාම යෝජනා භාරගැනීම ඔක්තෝබර් 4 වන දා සිට ඔක්තෝබර් 11වන දා දහවල් 12:00 වනතෙක් සිදු කිරීමට නියමිත ය.
ඒ අනුව, අභිනව පාර්ලිමේන්තුව නොවැම්බර් මස 21වන දා පැවැත්වීමට කටයුතු කර තිබේ.
