දිට්වා සුළි කුණාටුව හේතුවෙන් මාතලේ දිස්ත්රික්කයේ පූර්ණ නිවාස හානි සිදු වූ පිරිස් වෙනුවෙන් නව නිවාස ඉදිකර ගැනීම සඳහා මූල්යාධාර ප්රදානය කිරීම අද (19) සිදු විය. මාතලේ දිස්ත්රික්කයේ ප්රාදේශීය ලේකම් කොට්ඨාස පහකට මෙම සුළි කුණාටුවෙන් දැඩි බලපෑම් එල්ල වූ අතර, ඒ හේතුවෙන් උන්හිට තැන් අහිමි වූ පුද්ගලයින් සඳහා මෙම සහන සැලසීම විශේෂත්වයකි.
මාතලේ දිස්ත්රික් ලේකම් කාර්යාලයේදී පැවැත්වූ මෙම වැඩසටහනේදී තෝරාගත් පුද්ගලයින් 100 දෙනෙකු වෙනුවෙන් නව නිවාස ඉදිකර ගැනීමේ අත්තිකාරම් මුදල් ලෙස එක් අයෙකුට රුපියල් ලක්ෂ 20 බැගින් පිරිනැමීම සිදු විය. මීට අමතරව නිවාස අහිමි වීම නිසා දැනට කුලී නිවාසවල පදිංචිව සිටින පිරිස් සඳහා අවශ්ය කුලී මුදල් ප්රදානය කිරීම ද මෙහිදී සිදු කර තිබේ.
මෙම අවස්ථාව සඳහා මාතලේ දිස්ත්රික් ලේකම් ප්රසන්න මදනායක මහතා සහ මාතලේ ප්රාදේශීය සභාවේ සභාපති සමීර ජයරත්න මහතා ඇතුළු රාජ්ය නිලධාරීන් පිරිසක් එක්ව සිටියහ. රජය විසින් ක්රියාත්මක කරන මෙම නිවාස ව්යාපෘතිය යටතේ ඉදිරි මාස කිහිපය තුළ විපතට පත් වූවන්ට ස්ථිර නිවාස ලබා දීම ඉලක්කය වී තිබේ.
