ට්රැක්ටර්වලට සවි කරන ලද වින්ච් යන්ත්ර (Winch machines) යොදාගනිමින් මාදැල් ඇදීමේ කටයුතුවලට පනවා ඇති තහනම ඉවත් කරන ලෙස ඉල්ලා ධීවරයින් ආරම්භ කළ සත්යග්රහය අද (09) පස්වන දිනටත් ජනාධිපති ලේකම් කාර්යාලය ඉදිරිපිටදී ක්රියාත්මක වේ. පසුගිය පෙබරවාරි 05 වැනිදා ආරම්භ වූ මෙම විරෝධතාවයට දිවයිනේ විවිධ ප්රදේශවලින් පැමිණි මාදැල් ධීවරයින් විශාල පිරිසක් එක්ව සිටිති.
විරෝධතාවයේ නිරත ධීවරයින් පවසන්නේ මෙම යන්ත්ර භාවිතය තහනම් කිරීම හේතුවෙන් තමන්ගේ ජීවනෝපාය දැඩි අර්බුදයකට ලක්ව ඇති බවයි. රජය මැදිහත් වී මෙම ගැටලුවට කඩිනම් විසඳුමක් ලබා දෙන තෙක් සත්යග්රහය අත්නොහරින බවත්, අද සිට තමන් මාදැල් ධීවර කර්මාන්තයෙන් ද සම්පූර්ණයෙන්ම ඉවත් වන බවත් ධීවර සමිති නියෝජිතයෝ වැඩිදුරටත් අවධාරණය කරති.
