මාධ්යවේදී ගයාන් කල්ප ගුණරත්න මහතාට එරෙහිව පවරා තිබූ නඩුව ඉල්ලා අස්කර ගන්නා බව කුරුඳුවත්ත පොලිසිය අද (09) කොළඹ මහේස්ත්රාත් අධිකරණයට දැනුම් දුන්නේය. කොළඹ ප්රධාන මහේස්ත්රාත් අසංග එස්. බෝදරගම මහතා ඉදිරියේ මෙම නඩුව කැඳවූ අවස්ථාවේදී පොලිසිය මෙම තීරණය ප්රකාශයට පත් කරන ලදී.
පොලිස් නිලධාරියෙකුගේ රාජකාරියට බාධා කිරීම සහ මහජන සාමය කඩවන අයුරින් කටයුතු කිරීම යන චෝදනා යටතේ ගයාන් කල්ප මහතාට එරෙහිව මෙම නඩුව ගොනු කර තිබුණි. කෙසේ වෙතත්, අදාළ සිද්ධිය සම්බන්ධයෙන් දෙපාර්ශවයම මිත්රශීලී ලෙස සමගි සම්මුතියකට පැමිණ ඇති බැවින් නඩුව ඉදිරියට පවත්වාගෙන යාමට අවශ්ය නොවන බව පොලිසිය අධිකරණයට දන්වා සිටියේය. ඒ අනුව ඉදිරිපත් වූ කරුණු සලකා බැලූ මහේස්ත්රාත්වරයා නඩු කටයුතු අවසන් කිරීමට නියෝග කළේය.
මෙම නඩුවට පාදක වූයේ 2024 කොළඹ ජාත්යන්තර පොත් ප්රදර්ශනය අතරතුරදී ඇති වූ සිද්ධියකි. එහිදී කුරුඳුගොඩ පොලිසිය විසින් ගයාන් කල්ප මහතාව අත්අඩංගුවට ගෙන පසුව ඇප මත මුදා හැර තිබුණි.
