මෙරටට පැමිණෙන සෑම විදේශ සංචාරකයෙකුටම සංචාරය නිමවා ආපසු යන අවස්ථාවේ දී ශ්රී ලංකාවේ තේ පිලිබඳ සිහිවටනයක් ගුවන් තොටුපෙළේ දී ලබා දීමට කටයුතු යොදන ලෙස කෘෂිකර්ම හා වැවිලි කර්මාන්ත අමාත්ය මහින්ද අමරවීර මහතා යෝජනා කළේය.
ඒ අනුව Ceylon Tea නාමය ලොව ප්රචලිත කිරීමේ අරමුණින් මෙරටට පැමිණෙන සෑම සංචාරකයෙකුටම ශ්රී ලංකා තේ නිෂ්පාදන අඩංගු සිහිවටනයක් ලබා දීමට නියමිතය.
තේ කර්මාන්තයේ ප්රවර්ධනය සඳහා ගත යුතු ක්රියාමාර්ග සම්බන්ධව ඊයේ (13) කෘෂිකර්ම හා වැවිලි කර්මාන්ත අමාත්යාංශයේ දී පැවැති සාකච්ඡාවක දී අමාත්යවරයා මෙම යෝජනාව ඉදිරිපත් කළේය.
මෙම සාකච්ඡාවට ශ්රී ලංකා තේ මණ්ඩලය, කුඩා තේවතු සංවර්ධන අධිකාරිය, තේ වැවිලි කරුවන්ගේ සංගමයේ නියෝජිතයින් හා තේ කර්මාන්තකරුවන්ගේ නියෝජිතයින් ඇතුළු පිරිසක් සහභාගි වී සිටියහ.
