අම්බලන්ගොඩ-ඇල්පිටිය මාර්ගයේ කරන්දෙණිය පනිල්කන්ද ප්රදේශයේදී ඊයේ (26) රාත්රියේ සිදුවූ දරුණු රිය අනතුරකින් 23 හැවිරිදි තරුණයෙකු මියගොස් තවත් අයෙකු තුවාල ලබා තිබේ.
අනතුරින් ජීවිතක්ෂයට පත්ව ඇත්තේ කරන්දෙණිය නාමිනිගොඩ පදිංචිව සිටි විකුම් ධනංජය බණ්ඩාර නමැති තරුණයෙකි.
පොලිසිය පවසන පරිදි ඇල්පිටිය දෙස සිට ධාවනය වූ යතුරුපැදියක් තවත් යතුරුපැදියකට ඉස්සර කිරීමට යාමේදී රෝදයේ ගැටී, පාලනය කරගත නොහැකිව ඉදිරියෙන් පැමිණි ත්රිරෝද රථයක මුහුණට මුහුණ ගැටීමෙන් මෙම අනතුර සිදුව ඇත.
බරපතළ තුවාල ලැබූ තරුණයා රෝහල්ගත කිරීමෙන් පසු මියගොස් ඇති අතර කරන්දෙණිය පොලිසිය සිද්ධිය සම්බන්ධයෙන් වැඩිදුර විමර්ශන පවත්වයි.
පසුගිය දින 25 තුළ පමණක් රිය අනතුරුවලින් මියගිය සංඛ්යාව 155 දක්වා ඉහළ ගොස් ඇති පසුබිමක, රියදුරන්ගේ නොසැලකිලිමත් ඉස්සර කිරීම් මෙවැනි මාරක අනතුරුවලට ප්රධාන හේතුවක් වී ඇති බව බලධාරීන් පෙන්වා දෙයි.
