පෙබරවාරි 07 – ගූගල් සමාගම සතු යූටියුබ් (YouTube) වීඩියෝ වේදිකාව 2025 වසරේදී ඇමෙරිකානු ඩොලර් බිලියන 60 කට අධික ආදායමක් උපයා ඇති බව නිල වශයෙන් අනාවරණය කර තිබේ. මෙය ශ්රී ලංකා රුපියල්වලින් දළ වශයෙන් රුපියල් කෝටි 1,800,000 (ලක්ෂ දහඅට දහසක්) ඉක්මවූ දැවැන්ත මුදලකි. මෙම ආදායම සිය ප්රධාන තරඟකරුවෙකු වන නෙට්ෆ්ලික්ස් (Netflix) ආයතනය උපයා ඇති රුපියල් කෝටි 1,350,000 ක ආදායම සැලකිය යුතු මට්ටමකින් අභිබවා යාමකි.
යූටියුබ් ප්රිමියම් (YouTube Premium) වැනි දැන්වීම් රහිත සේවාවන් සඳහා ගෙවන දායකත්වය ලබාගන්නා ග්රාහකයින් සංඛ්යාව ඉහළ යාම මෙම වාර්තාගත ආදායමට ප්රධානතම හේතුව වී ඇත. ගූගල් ප්රධානී සුන්දර් පිචායි මහතා පෙන්වා දෙන්නේ යූටියුබ් ඇතුළු ගූගල් සේවාවන්හි මුළු ගෙවන ග්රාහකයින් සංඛ්යාව 2025 වසර අවසානය වන විට මිලියන 325 කට වඩා වැඩි වී ඇති බවයි. මීට අමතරව යූටියුබ් හි ‘Shorts’ වීඩියෝ සඳහා දිනකට ලැබෙන දර්ශන වාර (Daily views) ප්රමාණය බිලියන 200 සීමාව ඉක්මවා ගොස් ඇති බව ද වාර්තා වේ.
කෙසේ වෙතත්, කෘතිම බුද්ධි (AI) තාක්ෂණය නිසා වීඩියෝ නිර්මාණකරුවන්ගේ (Content Creators) අදායමට හා ප්රවේශයට සිදුවන බලපෑම සම්බන්ධයෙන් යුරෝපීය කොමිසම මේ වන විට පරීක්ෂණ පවත්වමින් සිටී. එසේ වුවද, ගූගල් සමාගම ප්රකාශ කර ඇත්තේ ඉදිරි කාලය තුළදී කෘතිම බුද්ධි තාක්ෂණය තවදුරටත් දියුණු කිරීම සඳහා තවදුරටත් විශාල මුදලක් ආයෝජනය කරන බවයි.
