හිටපු ජනාධිපති රනිල් වික්‍රමසිංහ මහතා ඉදිරියේදී නව ප්‍රජාතන්ත්‍රවාදී පෙරමුණ මන්ත්‍රීවරයකු ලෙස පාර්ලිමේන්තුව නියෝජනය කිරීමට නියමිත බව වාර්තා වේ.
කෙසේ වෙතත් දේශපාලන ආරංචිමාර්ග පවසා සිටින්නේ නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රීවරයකු ඉවත්වී ඒ වෙනුවට හිටපු ජනාධිපතිවරයා පාර්ලිමේන්තුව නියෝජනය කරනු ඇති බවයි.
එමෙන්ම බොහෝ දුරට ඉදිරි පළාත් පාලන මැතිවරණයෙන් පසු පාර්ලිමේන්තුව නියෝජනය කරනු ඇතැයි ද එම ආරංචි මාර්ග සඳහන් කරන අතර දේශපාලන නියෝජිතයන් මෙන්ම මහජනතාව ද රනිල් වික්‍රමසිංහ මහතාට නැවත දේශපාලනයට පිවිසෙන ලෙස ඉල්ලීම් කර තිබෙන බව ද එම ආරංචි මාර්ග වැඩිදුරටත් සඳහන් කර තිබේ.
