කර්මාන්ත ආශ්රිත ප්රශ්න තිබේ නම් එය විසඳීම සඳහා ඉදිරියේ දී නව ඩිජිටල් පහසුකමක් ලබා දීමට කටයුතු කරන බව කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා පවසා සිටියි.
ඔහු මේ බව පැවසුවේ රත්නපුර පැවති උත්සවයකට සහභාගී වෙමිනි.
කර්මාන්තකරුවන්ට තමන්ගේ දිස්ත්රික්කයේ සිටම ගැටලු ඇත්නම් ඒවා විසඳා ගැනීමට ඒ තුළින් හැකියාව ලැබෙනු ඇති බව අමාත්යවරයා එහි දී පවසා තිබේ.
වැඩිදුරටත් අදහස් දැක්වූ අමාත්ය සුනිල් හදුන්නෙත්ති ,
“කර්මාන්ත තියෙන්නේ ගමේ නම් කර්මාන්ත අමාත්යාංශය කියන්නේ ජනතාවට සේවා සපයන තැනක් නම්, ඒ සේවය සැපයෙන්න ඕනේ අදාළ දිස්ත්රික්කයට ගිහිල්ලා. එතකොට ඒ වෙනුවෙන් කොළඹ ඇවිල්ලා රස්තයාදු වෙන්න ඕනේ නෑ කර්මාන්තකරුවන්. ඉදිරි අපේ වැඩසටහන නවීකරණය වෙලා, තාක්ෂණය සමග මුහුවුණාට පස්සේ, කර්මාන්ත ශාලාවේ ඉදගෙනම ප්රශ්න විසඳගන්න පුළුවන්. අපි ඒකට කියනවා එක කවුළුවකින් ප්රශ්න විසඳගන්න ක්රමවේදයක් කියලා.
ව්යාපාරයක් ආරම්භ කරන කෙනෙක්ට අවසර ගන්න අවුරුදු එක හමාරක් විතරක් යනවා. එහෙම නැතුව කරන්න නම් පගාව දෙන්න ඕනේ. පගාව දීම වෙනුවට රජයේ නිලධාරීන්ට රජය විසින් වැටුප් වැඩිකරලා තියෙනවා. ඒ නිසා පගාව නොගෙන දුෂණයෙන් තොරව වැඩකරන්න ඕනේ. ඒක තවත් වැඩිදියුණු කිරීමට රජයේ සියලු ගෙවීම් ඩිජිටල්කරණය කරන්න තීරණය කරා. ඒ නිසා ව්යවසායකයින්ගෙන් අපි ඉල්ලන්නේ ඔබේ වැඩේ පහසු කරගන්න ඔබ පගාව දෙන්න එපා. පගාව දුන්නොත්නේ පගාව ගන්නේ.”
