රාජ්ය සේවයේ පවතින දීමනා පිළිබඳ ගැටලු විසඳීමට දැනටමත් සමාලෝචනයක් සිදු කරමින් පවතින බවත්, ඒ සඳහා කෙටි කාලයක් ලබාදෙන ලෙසත් ජනාධිපති අනුර කුමාර දිසානායක මහතා රාජ්ය සේවකයින්ගෙන් ඉල්ලා සිටියි. 2027 වසරේ සිදු කිරීමට නියමිත වැටුප් වර්ධකයෙන් පසු අනෙකුත් දීමනා ලබාදීම කෙරෙහි අවධානය යොමු කරන බව ඔහු පවසයි. “රටම එකට” නුවරඑළිය දිස්ත්රික් වැඩසටහනේදී ජනාධිපතිවරයා වැඩිදුරටත් සඳහන් කළේ, “දිට්වා” සුළි කුණාටු ව්යසනයෙන් වූ හානිය පියවීමට මහ භාණ්ඩාගාරයෙන් රුපියල් කෝටි 50,000ක මුදලක් වෙන් කර ඇති බවයි. විශේෂත්වය වන්නේ මෙම මුදල ණයට ගැනීමකින් හෝ මුදල් මුද්රණය කිරීමකින් තොරව රජයේ ශක්තිමත් ආර්ථික ප්රතිපත්ති මත වෙන් කිරීමට හැකි වීමයි.
