ලංකා විදුලිබල මණ්ඩලය ප්රතිව්යූහගතකරණය කිරීමේ ක්රියාවලිය අවසන් කරන නිශ්චිත දිනය ප්රකාශයට පත් නොකිරීම හේතුවෙන්, ස්වේච්ඡාවෙන් විශ්රාම ගැන්වීමේ ක්රමය (VRS) යටතේ ඉවත් වීමට ඉල්ලුම් කළ සේවකයන් 2,173 දෙනෙකු දැඩි අපහසුතාවයට පත්ව සිටින බව වෘත්තීය සමිති පෙන්වා දෙයි. රජයේ සැලසුම අනුව විදුලිබල මණ්ඩලය ජනනය, සම්ප්රේෂණය සහ බෙදාහැරීම ඇතුළු රජයට අයත් සමාගම් 6ක් ලෙස වෙන් කිරීමට නියමිතව තිබූ අතර, එම නව ව්යූහයට ඇතුළත් වීමට අකමැති ඉංජිනේරුවන් සහ තාක්ෂණ නිලධාරීන් ඇතුළු පිරිසක් මෙලෙස විශ්රාම ගැන්වීමට ඉල්ලුම් කර තිබිණි.
පෙබරවාරි 01 වැනිදා සිට මෙම ප්රතිව්යූහගතකරණ සැලසුම ක්රියාත්මක වීමට නියමිතව තිබුණද එය මෙතෙක් සිදු නොවීම නිසා, විදෙස් රැකියා සහ වෙනත් පෞද්ගලික අංශයේ රැකියා සඳහා ඉල්ලුම් කර ඇති සේවකයන්ට සිය සේවයෙන් නිසි පරිදි නිදහස් වීමට නොහැකි වී තිබේ. සේවා කාලය මත රුපියල් ලක්ෂ 9 සිට ලක්ෂ 50 දක්වා වන්දි මුදලක් ලබා දෙන බවට මණ්ඩලය කළ නිවේදනය මත පදනම්ව මෙම තීරණය ගත් සේවකයන්, වත්මන් අවිනිශ්චිත තත්ත්වය හමුවේ සිය අනාගත වෘත්තීය සැලසුම් කරගත නොහැකිව ගැටලු රැසකට මුහුණ දී සිටින බව වාර්තා වේ.
