මෙවර විස්සයි විස්ස ලෝක කුසලාන ක්රිකට් තරගාවලියේ ජයග්රාහකයින් වෙනුවෙන් අතිවිශාල ත්යාග මුදලක් පිරිනැමීමට ජාත්යන්තර ක්රිකට් කවුන්සිලය (ICC) පියවර ගෙන තිබේ. ඒ අනුව මෙවර ලෝක ශූරතාවය දිනාගන්නා කණ්ඩායමට ඇමරිකානු ඩොලර් මිලියන 2.3 ක් හෙවත් ශ්රී ලංකා මුදලින් රුපියල් කෝටි 69 කට අධික මුදලක් හිමි වනු ඇත.
අනුශූරතාවය ලබන කණ්ඩායමට ඇමරිකානු ඩොලර් මිලියන 1.2 කට ආසන්න මුදලක් පිරිනැමෙන අතර, අවසන් පූර්ව වටයට සුදුසුකම් ලබන කණ්ඩායම් සඳහා ඩොලර් 675,000 බැගින් හිමි වේ. තරගාවලියේ අවසන් ස්ථානයට පත්වන කණ්ඩායමට පවා රුපියල් තුන්කෝටි තිස්හත් ලක්ෂයකට (ඩොලර් 112,500) අධික මුදලක් පිරිනැමීම විශේෂත්වයකි.
මීට අමතරව, කණ්ඩායම් දිරිමත් කිරීම සඳහා මූලික වටයේ ජයග්රහණය කරන සෑම තරගයකටම ඩොලර් 31,154 ක දීමනාවක් ලබා දීමට ද ICC තීරණය කර ඇත. මුළු තරගාවලිය පුරා කණ්ඩායම් අතර බෙදා හැරීමට නියමිත සම්පූර්ණ ත්යාග මුදල ඇමරිකානු ඩොලර් මිලියන 11 ක් හෙවත් රුපියල් කෝටි 330කට අධික බව වාර්තා වේ.
