කොළඹ වාණිජ මහාධිකරණය මඟින් ලබා දුන් ඓතිහාසික තීන්දුවක් ප්රකාරව ශ්රී ලංකා හදිසි වෛද්යවරුන්ගේ විද්යාලයේ (SLCEP) ප්රථම කාන්තා සභාපතිනිය ලෙස වැඩ භාර ගැනීමට හදිසි වෛද්ය උපදේශක වෛද්ය මධුරංගි ආරියසිංහ මහත්මියට අවස්ථාව හිමි වී තිබේ.
විද්යාලයේ නායකත්වය සම්බන්ධයෙන් ඇති වූ මතභේදාත්මක තත්ත්වයක් හේතුවෙන් මාස හතරකට ආසන්න කාලයක් පැවති අධිකරණ ක්රියාදාමයකින් පසුව වාණිජ මහාධිකරණ විනිසුරු චමත් මදනායක මහතා විසින් මෙම තීන්දුව ලබා දෙන ලදී. වාර්ෂික මහා සභා රැස්වීමක් (AGM) නොකැඳවා වසරකට ආසන්න කාලයක් ඇය තේරී පත් වූ සභාපති ධුරයේ කටයුතු කර තිබියදී, වත්මන් අන්තර්කාලීන සභා නායකත්වය විසින් ඇයව එම ධුරයෙන් ඉවත් කිරීමට ගත් උත්සාහයක් නිසා මෙම නීතිමය සටන ආරම්භ විය.
ඒ අනුව වෛද්ය ආරියසිංහ මහත්මිය සහ තවත් පෙත්සම්කරුවන් කිහිප දෙනෙකු විසින් ගොනු කරන ලද පෙත්සම සලකා බැලූ අධිකරණය ඔවුන්ට පක්ෂව තීන්දුව ලබා දුන් අතර, නඩු ගාස්තු වගඋත්තරකරුවන් විසින් දැරිය යුතු බවට ද නියෝග කළේය. මෙම තීන්දුවත් සමඟ වෛද්ය මධුරංගි ආරියසිංහ මහත්මිය එළඹෙන අප්රේල් 2 වැනිදා කොළඹදී පැවැත්වීමට නියමිත වාර්ෂික මහා සභා රැස්වීමේදී ශ්රී ලංකා හදිසි වෛද්යවරුන්ගේ විද්යාලයේ 5 වැනි සභාපතිනිය ලෙස වැඩ භාර ගැනීමට නියමිතව ඇත.
