රජයේ වෛද්යවරුන්ගේ ස්ථාන මාරු කිරීම් කිසිදු බාධාවකින් තොරව අනිවාර්යයෙන්ම සිදු කරන බවත්, වෘත්තීය සමිති ක්රියාමාර්ග මගින් සිදු කරන බියගැන්වීම්වලට රජය යටත් නොවන බවත් සෞඛ්ය අමාත්ය වෛද්ය නලින්ද ජයතිස්ස මහතා අවධාරණය කරයි.
රජයේ වෛද්ය නිලධාරීන්ගේ සංගමය (GMOA) විසින් දැනටමත් වෘත්තීය සමිති ක්රියාමාර්ගයක් දියත් කර ඇති පසුබිමක අමාත්යවරයා මෙම අදහස් පළ කළේය.
මේ අතර, සිය වෘත්තීය සමිති ක්රියාමාර්ගයේ ඉදිරි පියවර සම්බන්ධයෙන් අවසන් තීරණයක් ගැනීම සඳහා එම සංගමයේ මධ්ය කාරක සභාව අද (28) විශේෂ රැස්වීමක් පැවැත්වීමට ද නියමිතව තිබේ.
දැනට ක්රියාත්මක වෘත්තීය ක්රියාමාර්ගය හේතුවෙන් රෝහල්වල නොමැති ඖෂධ පෞද්ගලික ඔසුසැල්වලින් මිලදී ගැනීමට වට්ටෝරු නිකුත් කිරීම සහ බාහිර රසායනාගාර සේවා සඳහා නිර්දේශ ලබා දීම වෛද්යවරුන් විසින් නතර කර ඇත.
මේ හේතුවෙන් රෝහල්වලට පැමිණෙන රෝගීන් දැඩි අපහසුතාවට පත්ව ඇති අතර, මෙම ගැටලුව නිරාකරණය කර ගැනීම සඳහා රජය සහ වෛද්ය සංගමය අතර පවතින මෙම අර්බුදය අද දිනයේ තීරණාත්මක හැරවුම් ලක්ෂ්යයකට එළැඹෙනු ඇතැයි අපේක්ෂා කෙරේ.
