ශ්රී පාද වන්දනාවේ පැමිණ ආපසු නුවරඑළිය බලා ධාවනය වෙමින් තිබියදී පසුගිය 13 වනදා අනතුරට ලක්වූ මෝටර් රථයේ රියදුරා, මත්ද්රව්ය භාවිතා කර රිය පදවා ඇති බව වෛද්ය පරීක්ෂණවලදී හෙළි වී තිබේ. හැටන් – මස්කෙළිය මාර්ගයේ නෝර්වුඩ්, රෝක්වුඩ් ප්රදේශයේදී අඩි 15ක ප්රපාතයකට පෙරළී සිදුවූ මෙම අනතුරින් රියදුරා ඇතුළු තිදෙනෙකු තුවාල ලබා දික්ඔය මූලික රෝහලට ඇතුළත් කර තිබුණි.
අනතුර සිදුවන අවස්ථාවේ රියදුරුට නින්ද යාම හේතුවෙන් රථය පාලනය කරගත නොහැකිව මාර්ගයෙන් ඉවතට පැන ඇති බව පොලිස් පරීක්ෂණවලදී අනාවරණය විය. තුවාල ලැබූවන් අතර සිටි කාන්තාව ඇතුළු අනෙක් පිරිස ප්රතිකාර ලබා රෝහලෙන් පිටව ගොස් ඇති අතර, රියදුරා පමණක් තවදුරටත් නේවාසිකව ප්රතිකාර ලබයි. ඔහු රෝහලෙන් පිටවූ සැණින් අත්අඩංගුවට ගෙන, මත්ද්රව්ය පානය කර රිය ධාවනය සහ අපරික්ෂාකාරී රිය ධාවනය යන චෝදනා යටතේ හැටන් මහේස්ත්රාත් අධිකරණයට ඉදිරිපත් කිරීමට නෝර්වුඩ් පොලිසිය කටයුතු යොදා ඇත.
