ඉන්දියාවේ රාමනාදන්පුරම් සිට මුහුදු මාර්ගයෙන් මන්නාරම වෙත ප්රවාහනය කිරීමට සූදානම් කර තිබූ හෂීස් මත්ද්රව්ය කිලෝ ග්රෑම් 1,294ක දැවැන්ත තොගයක් පසුගිය 02 වැනිදා ඉන්දීය පොලිසිය විසින් අත්අඩංගුවට ගෙන තිබේ. රාමනාදන්පුරම් මත්ද්රව්ය නාශක අංශය වැටලීම සිදු කරන අවස්ථාවේදී සැකකරුවන් පළා ගොස් ඇති අතර, මත්ද්රව්ය සඟවා තිබූ ස්ථානය අසල පදිංචි කාන්තාවක ප්රශ්න කිරීම් සඳහා අත්අඩංගුවට ගෙන ඇත.
අත්අඩංගුවට ගත් මත්ද්රව්ය තොගයේ වටිනාකම ඉන්දියානු රුපියල් කෝටි හතරක් පමණ වන බවත්, ඒවා පාර්සල් 197ක අසුරා ගමන් මලු 123ක බහා බෝට්ටුවකට පැටවීමට සූදානම් කර තිබූ බවත් පොලිසිය පවසයි. මෙම ජාවාරමේ නියම අයිතිකරුවන් සොයා ගැනීම සඳහා ඉන්දීය ආරක්ෂක අංශ මේ වන විට පුළුල් විමර්ශනයක් ආරම්භ කර ඇති අතර, අත්අඩංගුවට ගත් ද්රව්ය රාමනාදන්පුරම් අධිකරණයට ඉදිරිපත් කිරීමට නියමිතය.
