වාහන ආනයන සීමා ඉවත් කිරීමෙන් පසු ගතවූ 2025 වසරේදී මෙරටට ආනයනය කරන ලද මුළු මගී වාහන ප්රමාණයෙන් 10%ක් විද්යුත් වාහන (EV) බව නවතම සංඛ්යාලේඛන මගින් අනාවරණය වේ.
Sparkwinn Research ආයතනය නිකුත් කළ දත්තවලට අනුව, 2025 වසර තුළ ආනයනය කරන ලද මුළු මෝටර් රථ සහ SUV රථ 64,556න් 6,439ක්ම සම්පූර්ණයෙන්ම විද්යුත් වාහන වේ.
මීට අමතරව, සමස්ත ආනයනයෙන් 29%ක් හෙවත් වාහන 18,709ක් හයිබ්රිඩ් (Hybrid) මාදිලියේ වාහන බව වාර්තා වේ.
වසරේ මුල් භාගයේදී අධික මිලැති සුඛෝපභෝගී විද්යුත් වාහන සඳහා වැඩි ඉල්ලුමක් පැවති අතර, සිව්වන කාර්තුව වන විට සාමාන්ය මිල ගණන් යටතේ පවතින විද්යුත් වාහන මාදිලි (Affordable EV brands) කෙරෙහි මෙරට පාරිභෝගික අවධානය වැඩි වශයෙන් යොමුවී ඇත.
විද්යුත් වාහන භාවිතයේ කලාපීය සැසඳීම
සිංගප්පූරුව 43%
තායිලන්තය 15%
ශ්රී ලංකාව 10%
මැලේසියාව 5%
ඉන්දියාව 2 – 3%
(2025 දත්ත අනුව)
මෙම දත්තයන්ට අනුව විද්යුත් වාහන භාවිතය අතින් ශ්රී ලංකාව ඉන්දියාව සහ මැලේසියාව වැනි රටවලට වඩා ඉදිරියෙන් සිටින බව පර්යේෂකයෝ පෙන්වා දෙති. 2026 වසරේදී මධ්යම ප්රමාණයේ වාහන මිලදී ගන්නන් අතර ද මෙම තාක්ෂණය ජනප්රිය වනු ඇතැයි අපේක්ෂා කෙරේ. කෙසේ වෙතත්, මෙම ප්රවණතාව තවදුරටත් වර්ධනය වීමට නම් දිවයින පුරා ශක්තිමත් ආරෝපණ යටිතල පහසුකම් (Charging Infrastructure) කඩිනමින් ස්ථාපිත කළ යුතු බව ක්ෂේත්රයේ ප්රවීණයෝ අවධාරණය කරති
