දූෂණය තුරන් කිරීමේ දේශපාලන පොරොන්දු මධ්යයේ වුවද ශ්රී ලංකාවේ දූෂණ මට්ටම තවදුරටත් ඉහළ ගොස් ඇති බව බ්රිතාන්යය පදනම් කරගත් ‘World Economics’ පර්යේෂණ ආයතනය නිකුත් කළ 2025 ගෝලීය දූෂණ දර්ශකය මගින් අනාවරණය වේ.
ලකුණු 100න් 24.7ක අගයක් ලබාගනිමින් ශ්රී ලංකාව මෙවර “D” ශ්රේණියට ඇද වැටී ඇති අතර, මෙය 2024 වසරේ පැවති ලකුණු 32ක අගයට වඩා ඒකක 7.3ක සැලකිය යුතු පහත වැටීමකි.
පාරදෘශ්ය ජාත්යන්තර දත්ත (Transparency International) අනුව 2021 වසරේ ලකුණු 37ක්ව පැවති ශ්රී ලංකාවේ දර්ශකය වසරින් වසර අඛණ්ඩව පහළ වැටී ඇති අතර, අසල්වැසි ඉන්දියාව ලකුණු 32.5ක් ලබා ශ්රී ලංකාවට වඩා බෙහෙවින් ඉදිරියෙන් සිටී.
ගෝලීය සාමාන්ය අගය 48.4ක් ලෙස පවතින පසුබිමක ශ්රී ලංකාව මෙලෙස පහළට යෑම ආයෝජකයන්ගේ විශ්වාසය ගිලිහීමටත්, රටේ ආයතනික පාලනයේ පිරිහීමටත් සෘජුව බලපාන බව එම වාර්තාව වැඩිදුරටත් පෙන්වා දෙයි.
