ආසියානු සංවර්ධන බැංකුව (ADB) විසින් ශ්රී ලංකාවේ නව නේවාසික අධ්යක්ෂවරිය ලෙස ෂැනන් කව්ලින් (Shannon Cowlin) මහත්මිය පත් කර ඇති අතර ඇය අද (09) කොළඹදී සිය ධුරයේ කටයුතු නිල වශයෙන් ආරම්භ කළාය. වසර 26කට අධික වෘත්තීය පළපුරුද්දක් සහිත ඇය, ඉන් වසර 13ක්ම ආසියානු සංවර්ධන බැංකුවේ විවිධ ඉහළ තනතුරු හොබවා ඇති ප්රවීණ නිලධාරිනියකි. විශේෂයෙන්ම බලශක්ති, දේශගුණික විපර්යාස, මහජන සෞඛ්ය සහ පරිසරය වැනි ක්ෂේත්ර පිළිබඳ ප්රතිපත්ති සම්පාදනය සහ ආයෝජන ව්යාපෘති මෙහෙයවීම සම්බන්ධයෙන් ඇය සතු විශේෂඥ දැනුම ශ්රී ලංකාවේ ඉදිරි සංවර්ධන කටයුතුවලට ඉමහත් ශක්තියක් වනු ඇතැයි අපේක්ෂා කෙරේ.
මෙම පත්වීමට පෙර ඇය මොන්ගෝලියාවේ ආසියානු සංවර්ධන බැංකු අධ්යක්ෂවරිය ලෙස සේවය කළ අතර, ඊට ප්රථම අමෙරිකා එක්සත් ජනපදයේ ජාතික පුනර්ජනනීය බලශක්ති රසායනාගාරයේ කළමනාකාරිනියක ලෙස දකුණු ආසියානු කලාපීය බලශක්ති සහයෝගීතා ව්යාපෘති රැසකට නායකත්වය ලබා දී ඇත. ශ්රී ලංකාව වත්මන් ආර්ථික අර්බුදයෙන් මිදී තිරසාර වර්ධනයක් කරා ගමන් කරන තීරණාත්මක අවධියක, ආසියානු සංවර්ධන බැංකුව සහ මෙරට රජය අතර පවතින සබඳතා තවදුරටත් ශක්තිමත් කිරීමට ඇයගේ මැදිහත්වීම සුවිශේෂී වනු ඇත.
