බටහිර ආසියාවේ පවතින උණුසුම් දේශපාලනික තත්ත්වය මධ්යයේ වුවද ශ්රී ලංකාව සහ ඉරානය අතර පවතින ද්විපාර්ශ්වික සබඳතා තවදුරටත් ශක්තිමත් කරගැනීම පිළිබඳව විදේශ අමාත්ය විජිත හේරත් මහතා සහ ඉරාන විදේශ අමාත්ය අබ්බාස් අර්ගාචි මහතා අතර විශේෂ දුරකතන සාකච්ඡාවක් පවත්වා තිබේ. ඉරානයට එරෙහිව පනවා ඇති ජාත්යන්තර සම්බාධක හේතුවෙන් ශ්රී ලංකාවෙන් කෙරෙන අපනයන නතර කිරීමට සූදානම් වන බවට පැතිර යන ප්රකාශ අසත්ය බවත්, දෙරට අතර ඇති කරගත් තේ – ඉන්ධන හුවමාරු ගිවිසුම අඛණ්ඩව ක්රියාත්මක කරන බවත් අමාත්යවරයා මෙහිදී අවධාරණය කර ඇත.
ඉරානයෙන් මිලදී ගත් බොරතෙල් වෙනුවෙන් ගෙවීමට ඇති ඇමරිකානු ඩොලර් මිලියන 250 ක ණය මුදල පියවීම සඳහා 2023 අගෝස්තු මාසයේ සිට ශ්රී ලංකාව සෑම මසකම ඩොලර් මිලියන 5 ක් වටිනා තේ ඉරානයට අපනයනය කරනු ලබයි. මෙම ක්රමවේදය යටතේ අපනයනකරුවන්ට අවශ්ය ගෙවීම් ලංකා ඛනිජ තෙල් සංස්ථාව සහ ශ්රී ලංකා තේ මණ්ඩලය හරහා සිදු කෙරෙන අතර, ජාත්යන්තර සම්බාධකවලට හසු නොවන අයුරින් ක්රියාත්මක වන මෙම ගිවිසුම දිගටම පවත්වාගෙන යාමට රජය තීරණය කර තිබේ.
