ජනවාරි 01 වනදා සිට මාර්තු 20 දක්වා විදෙස් සංචාරකයන් හය ලක්ෂ හතලිස් එක් දහස් නවසිය හැට එක් දෙනෙකු මෙරටට පැමිණ තිබෙන අතර , ජනවාරි 01 වනදා සිට පසුගිය 16 වනදා දක්වා මෙරටට සංචාරකයන් 641,961ක් (හය ලක්ෂ හතලිස් එක්දහස් නවසිය හැට එක් දෙනෙකු) ශ්‍රී ලංකාවේ සංචාරයට එක් වුණ බව වාර්තා වේ.
මේ අතුරින් වැඩිම පිරිසක් පැමිණ ඇත්තේ ඉන්දියාවෙන් වන අතර, එම සංඛ්‍යාව 98420 ක් වේ.
රුසියාවෙන් පැමිණ සංචාරකයින් පිරිස 80,953 ක් වන අතර, එක්සත් රාජධානියෙන් 58,124 දෙනෙකු පැමිණ ඇත. එමෙන්ම ජර්මනිය, ප්‍රංශය, චීනය , ඕස්ට්‍රේලියාව ආදී රටවලින් ද සංචාරකයන් විශාල වශයෙන් පැමිණ ති්
පසුගිය වසර සමග සැසදීමේදී මෙම වසරේ සෑම සතියකම පැමිණ ඇති සංචාරකයන් සංඛ්‍යාව ඉහළ ගොස් තිබිම විශේෂත්වයක් බවත් මෙරට ගැමි ජීවිතයේ අත්දැකිම් විදගැනීමට බොහෝ විදෙස් සංචාරකයන් උත්සුක වන බවත් තොරතුරු වාර්තා වේ.
හබරන හිරිවඩුන්න ගම්මානයට විදෙස් සංචාරකයන් බොහෝසෙයින් පැමිණීමෙන් ඒ බව තහවුරු වන බව ද එම අධිකාරිය විසින් පවසයි.
පවතින තත්ත්වය යටතේ මෙම වසරේ සංචාරක ඉලක්කය පහසුවෙන් සපුරාගත හැකි තත්ත්වයක් නිර්මාණය වෙමින් සංචාරක සංවර්ධන අධිකාරිය විසින් දන්වා සිටියි.
