පාසල්වල සේවය කරන සංවර්ධන නිලධාරීන් ගුරු සේවයට බඳවාගැනීමේ කටයුතු සම්බන්ධයෙන් අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශය විසින් නිවේදනයක් නිකුත් කර තිබෙනවා.
අමාත්‍යාංශ ලේකම් නාලක කලුවැවගේ අත්සනින් නිකුත් කළ නිවේදනයේ සඳහන් වන්නේ, 2023 මාර්තු 25 වන දින පැවැත්වීමට නියමිතව තිබූ ගුරු සේවයට ඇතුළත් කිරීමේ තරග විභාගය සම්බන්ධයෙන් ගත් නීතිමය නඩු කටයුතු කිහිපයක් ශ්‍රේෂ්ඨාධිකරණ මට්ටමේ දී දැනටමත් අවසන් වී ඇති බවයි.
කෙසේ වෙතත්, අභියාචනාධිකරණය අතුරින් විභාගයට ගත් නඩුවක් තවමත් අවසන් වී නොමැති බැවින්, එම නඩුවේ තීන්දුව ලැබුණු පසුදින සිට ගුරු සේවයට බඳවාගැනීමේ ඉදිරි ක්‍රියාමාර්ග අමාත්‍යාංශය ක්‍රියාත්මක කරන බවද එම නිවේදනයේ තවදුරටත් සඳහන් කරයි.
