ආනයන පාලන බලපත්‍ර ලබා ගැනීමකින් තොරව සහල් ආනයනය කිරීමට කැබිනට් අනුමැතිය හිමිවී තිබේ.
දේශීය වෙළෙඳපොළේ දැනට පවතින නාඩු සහල් සහ අනෙකුත් සහල් වර්ග හිඟය මෙන් ම පසුගිය දිනවල පැවති අධික වර්ෂාව හේතුවෙන් වී වගාව සඳහා සිදුව ඇති හානිය සැලකිල්ලට ගනිමින් දැනට පවතින සීමාවන් තාවකාලිකව ඉවත් කිරීමට කටයුතු කරන බව රජය සඳහන් කළේ ය.
ඒ අනුව, ආනයන පාලන බලපත්‍ර ලබා ගැනීමකින් තොරව දෙසැම්බර් 20 වන දා දක්වා මෙරටට සහල් ආනයනය කිරීම සඳහා අවසර ලබා දෙන බව රජය පැවසීය.
