ස්පාඤ්ඤයේ මලාගා සිට මැඩ්රිඩ් බලා ධාවනය වූ සීඝ්රගාමී දුම්රියක් පීලිපැනීමකට ලක්ව තවත් දුම්රියක ගැටීමෙන් සිදු වූ දරුණු අනතුරකින් මියගිය සංඛ්යාව මේ වන විට 39ක් දක්වා ඉහළ ගොස් තිබේ.
වාර්තා වන අන්දමට, මලාගා සිට පැමිණි දුම්රිය පීලිපැනීමට ලක්ව අසල තිබූ අනෙක් මංතීරුවට පෙරළී ගොස් ඇත. එම අවස්ථාවේදීම ප්රතිවිරුද්ධ දිශාවෙන් පැමිණි දුම්රියක් පෙරළී තිබූ දුම්රියේ ගැටීමෙන් මෙම මහා විපත්තිය සිදුව තිබේ.
අනතුරින් තුවාල ලැබූ විශාල පිරිසක් මේ වන විට රෝහල් ගත කර ඇති අතර
රෝහල් ගත කළ පිරිස 48 දෙනෙකි. (මීට ළමුන් 05 දෙනෙකු ඇතුළත් වේ).
එක් කුඩා දරුවෙකු ඇතුළුව පුද්ගලයින් 12 දෙනෙක් බරපතළ තත්ත්වයේ පසුව තිබේ.
විදෙස් මාධ්ය වාර්තා කරන පරිදි අනතුර සිදුවන අවස්ථාවේ දුම්රිය දෙකෙහිම මගීන් 400කට ආසන්න පිරිසක් ගමන් කරමින් සිට ඇත. සහන සේවා කණ්ඩායම් තවදුරටත් මෙහෙයුම් කටයුතු සිදුකරමින් සිටින බව වාර්තා වේ.
