හම්බන්තොට, ගොන්නෝරුව සෝලාර් එනර්ජි පාක් හි මෙගාවොට් 150ක බිම්ගත සූර්ය පැනල බලශක්ති ව්‍යාපෘතිය සංවර්ධනය වෙනුවෙන් විදුලිය මිලදී ගැනීමේ ගිවිසුම ඊයේ (13) අත්සන් කෙරිණ.
මෙම ව්‍යාපෘතිය දේශීය සංවර්ධකයන් සහ ආයෝජකයන් 17 දෙනෙකු එකතුවෙන් සංවර්ධනය කරන අතර මෙගාවොට් 10 බැගින් වන බලාගාර 13කින්ද, මෙගාවොට් 5 බැගින් වන බලාගාර 4කින් ද සමන්විත වේ. එහි සමස්ථ විදුලි ධාරිතාවය මෙගාවොට් 150 කි.
මෙම වසරේ මැයි මසදි ව්‍යාපෘතියේ ඉදිකිරීම් කටයුතු ආරම්භ කිරීමට බලාපොරොතු වන අතර, විදුලිබලය 2025 වසරේ මැද භාගය වන විට ජාතික විදුලිබල පද්ධතියට සම්බන්ධ කිරීමට බලාපොරොත්තු වේ.
විදුලිබල හා බලශක්ති අමාත්‍ය කංචන විජේසේකර , රාජ්‍ය අමාත්‍ය ඉන්දික අනුරුද්ධ සහ විදුලිබල මන්ඩලයේ මෙන්ම සුනිත්‍ය බලශක්ති අධිකාරියේ නිලධාරීන් ද ආයෝජකයන් ද මෙම අවස්ථාවට එක්විය.
