සෞභාගයේ දැක්ම වැඩපිළිවෙල අනුව දේශපාලනික හිතවත්කම් මත නිවාස, ආධාර, රැකියා බෙදු යුගය අද අවසන් කර තිබෙන බව එක්සත් ජනතා නිදහස් සන්ධාන පාර්ලිමේන්තු මන්ත්‍රී ප්‍රේමලාල් ජයසේකර මහතා පවසයි.
ඒ මහතා මේ බව පැවසුවේ බලන්ගොඩ ගෝල්ඩන් සන්සිටි උත්සව ශාලාවේදී පසුගිය ජනාධිපතිවරණ ජයග්‍රහනයට ක්‍රීයාකාරීව දායක වූ ජනතාවට ස්තූතිය පලකිරීම වෙනුවෙන් සංවිධානය කර තිබූ උත්සවය අමතන අවස්ථාවේදීය.
එහිදී මන්ත්‍රීවරයා කියා සිටියේ දුප්පත් පවුල් වල දරුවන් අද තීරණය කරනු ලබනුයේ දේශපාලන අධිකාරිය නොව රාජ්‍ය නිලධාරීන් බවත් ඒ සදහා ඔවුන් සතු දත්ත පදනම් කර ගන්නා බවයි.
එය දියුනු දේශපාලනික සංස්කෘතියක් රට තුල ඇති කිරීමට බලපාන බවත් එය සියලුම අංශ එක හා සමානව දියුණු කරවීමට සෘජුව බලපාන බව හෙතෙම පැවසිය.
එම අවස්ථාවේදී වැඩිදුරටත් අදහස් දැක් වු පාර්ලිමේන්තු මන්ත්‍රී ප්‍රේමලාල් ජයසේකර මහතා ” රට පැහැදිලිව ඉදිරිටය යන්න නම් 3/2 බලයක් සහිත පාර්ලිමේන්තුවක් අපි පත්කරගත යුතුයි. ඒ සදහා පෙල ගැහෙන්න. මගේ දේශපානය තුල බොරැ පොරොන්දු නැහැ. එහෙම පොරනේදු දීල ජනතාව රවට්ටන පුරැද්දක් මට නැහැ. බැරි දේ බෑ කියනව මිස බොරැ පොරොන්දු දීල ජනතාව රවට්ටන්නේ නැහැ. ඒ වගේම එක්තරා සංවිධානාත්මක කණ්ඩායමක් මේ දින වල මාව දේශපාලනික වශයෙන් පසු පසට තල්ලු කිරීම සදහා මඩ ව්‍යාපාරයක් ආරම්භ කරල තියෙනවා. මම ඒ අයට වගකීමෙන් කියන්න කැමති 2010 වර්ෂයේ මම සෘජු හෝ වක්‍රාකාරයෙන් සම්බන්ධ උන පතල් කර්මාන්තයේ සියලුම පතල් නවතා දැම්මා. මම පරිසරයට ආදරය කරන ඒ වගේම පරිසර රැක ගැනීමේ බලවත් උවමනාවක් මට ඇති නිසයි. මේ වන විට ගංගා ඇල දොල ආශ්‍රිතව සිදුවන පතල් කර්මාන්ත මාගේ අනු දැනුම ඇතිව ක්‍රියාත්මක වන බවත්, එම පරිසරික හානි මා දැනුවත්ව සිදුවන කියල ඒ අය ප්‍රචාරණය කරනව. මා කියන්න කැමතියි කිසිදු පතලක් මාගේ නමින් හෝ මාගේ අනුබල ඇතිව ක්‍රියාත්මක නොවන බව. ඒවාට කිසිදු සම්බන්ධතාවක් නොමැති බවත් කිව යුතුයි. පරිසරයට ස්භාවධර්මයට ආදරය කරන කෙනෙකු ලෙස පරිසර විනාශයට අකමැති බවත් විශාල වශයෙන් පරිසර විනාශ කරන සියලු දෙනාටම සාධාරනව නීතිය ඉෂ්ඨ වනු ඇති බවත් දැන් රටේ නීතිය සැමට සමාන බවත් පවසන ලදි. ඒ වගේම රට දියුණු කිරීමට නම් තරැණ තිරැණියන් වෘත්තීය නිපුණතාවයක් ලබා ගැනීම වැදගත් බවත්, ඒ පුහුණු ශමය විදේශ ගත වීම මගින් රටට විශාල විදේශ විනිමයක් ලැබෙන අතරම මැද පෙරදිග දුක් විදින දුප්පත් දෙමාපියන් විදේශ ගත වීම කමානුකලව අවසන් කල හැකි බව” යැයි පැවසීය.
මෙම අවස්ථාවට බලංගොඩ ප්‍රාදේශයේ ප්‍රාදේශීය දේශපාලඥයින් ඇතුලු විශාල පිරිසක් සහභාගීවිය.
දිලිනි සමන්මලි
