ලෝකයේ ප්රධානතම බලශක්ති ප්රවාහන මාර්ගයක් වන හෝර්මුස් සමුද්ර සන්ධිය (Strait of Hormuz) මේ වන විට සම්පූර්ණයෙන්ම වසා දමා ඇති බවත්, එම මුහුදු සීමාව හරහා ගමන් කිරීමට උත්සාහ කරන ඕනෑම නෞකාවකට එරෙහිව දැඩි හමුදාමය ක්රියාමාර්ග ගන්නා බවත් ඉරාන ඉස්ලාමීය විප්ලවවාදී ආරක්ෂක බලකාය (IRGC) අද (27) නිල වශයෙන් නිවේදනය කළේය. විදෙස් මාධ්ය වාර්තා කරන පරිදි, අද උදෑසන මෙම සීමාව හරහා යාමට උත්සාහ කළ බහාලුම් නෞකා තුනක් ඉරාන නාවික හමුදාවේ දැඩි අනතුරු ඇඟවීම් හමුවේ ආපසු හරවා යවා ඇත. මෙම නෞකා ජාත්යන්තරව පිළිගත් නාවික මංතීරු ඔස්සේ යාමට උත්සාහ කර තිබුණද, පවතින යුදමය වාතාවරණය හමුවේ ඒවාට ප්රවේශ වීමට ඉරානය ඉඩ ලබා දී නැත.
ඕනෑම ආකාරයක නාවික ගමනාගමනයක් සම්බන්ධයෙන් ස්ථිර සහ ප්රචණ්ඩකාරී ප්රතිචාර දක්වන බවට ඉරාන ආරක්ෂක අංශ වැඩිදුරටත් අවධාරණය කර සිටියි. ලෝකයේ බොරතෙල් සැපයුමෙන් සැලකිය යුතු ප්රමාණයක් ප්රවාහනය කෙරෙන මෙම උපායමාර්ගික මුහුදු සන්ධිය වසා දැමීමත් සමඟ ගෝලීය වෙළඳපොළේ තෙල් මිල ශීඝ්රයෙන් ඉහළ යාමේ අවදානමක් මතුව තිබේ. මෙම තීරණයට එරෙහිව ඇමෙරිකානු ප්රමුඛ ඒකාබද්ධ හමුදා ක්රියා කරන්නේ කෙසේද යන්න පිළිබඳව මුළු ලෝකයේම අවධානය මේ වන විට යොමු වී ඇත.
