ඊශ්රායල අග්රාමාත්ය බෙන්ජමින් නෙදන්යාහු විසින් ලෙබනනය සමඟ සෘජු සාකච්ඡා වහාම ආරම්භ කරන ලෙස සිය කැබිනට් මණ්ඩලයට නියෝග කර තිබේ. හිස්බුල්ලා සංවිධානය නිරායුධ කිරීම සහ දෙරට අතර සාමකාමී සබඳතා ඇති කර ගැනීම මෙම සාකච්ඡාවල ප්රධාන අරමුණ වී ඇත. ලෙබනන් රජය විසින් කරන ලද ඉල්ලීම්වලට ප්රතිචාර දැක්වීමක් ලෙස මෙය හඳුන්වා දුන්න ද, ඇමරිකානු ජනාධිපති ඩොනල්ඩ් ට්රම්ප් සහ විශේෂ නියෝජිත ස්ටීව් විට්කොෆ් (Steve Witkoff) විසින් ලෙබනනයට එල්ල කරන ප්රහාර අවම කරන ලෙස කළ දැඩි බලපෑම මෙයට සෘජුවම හේතු වී ඇති බව වාර්තා වේ.
පසුගිය බදාදා දිනය ලෙබනනයට දරුණුතම ප්රහාර එල්ල වූ දිනයක් ලෙස වාර්තා වූ අතර, ඉන් අනතුරුව ට්රම්ප් සහ නෙදන්යාහු අතර පැවති දුරකථන සංවාදයකින් පසු මෙම තීරණය ගෙන ඇත. ඇමරිකාව සහ ඉරානය අතර පවතින සටන් විරාම ගිවිසුම ආරක්ෂා කර ගැනීම සඳහා ලෙබනනයේ ගැටුම් සමනය කිරීම අත්යවශ්ය බව ධවල මන්දිරයේ ස්ථාවරයයි. බෙයිරූට් (Beirut) නගරය යුධ මුක්ත කලාපයක් කිරීමට ලෙබනන් අග්රාමාත්යවරයා ගත් තීරණය ද නෙදන්යාහුගේ ඇගයීමට ලක්ව ඇත. කලාපීය බලවතුන්ගේ මැදිහත් වීම් මධ්යයේ වුවද, ඊශ්රායලය ස්වාධීන තීරණ ගනිමින් සිය ආරක්ෂාව තහවුරු කර ගැනීමට ක්රියා කරන බව මෙමඟින් පෙන්නුම් කරන බව දේශපාලන විශ්ලේෂකයෝ පවසති.
මුලාශ්රය – Axios / Fox News / Reuters
