මෙවර ඉන්දීය ප්රිමියර් ලීග් (IPL) තරඟාවලියේ රාජස්ථාන් රෝයල්ස් කණ්ඩායම නියෝජනය කරන 15 හැවිරිදි වෛභව් සූර්යවංශී, ප්රබල රෝයල් චැලෙන්ජර්ස් බැංගලෝර් (RCB) කණ්ඩායමට එරෙහිව පන්දු 15කදී වේගවත් අර්ධ ශතකයක් රැස් කරමින් ක්රිකට් ලොව මවිත කිරීමට සමත් විය. ඔහු පන්දු 26කදී හතරේ පහර 8ක් සහ හයේ පහර 7ක් සමඟින් ලකුණු 78ක් රැස් කළේය.
බැංගලෝර් කණ්ඩායම ලබා දුන් ලකුණු 202ක ඉලක්කය හඹා ගිය රාජස්ථාන් කණ්ඩායම වෙනුවෙන් සූර්යවංශී සහ ධෘව් ජුරෙල් (නොදැවී 81) එක්ව පන්දු 37කදී ලකුණු 108ක සබඳතාවක් ගොඩනැගූහ. ලෝක පූජිත පන්දු යවන්නන් වන ජොෂ් හේසල්වුඩ් සහ භුවනේෂ්වර් කුමාර් හට එරෙහිව මෙම නවක ක්රීඩකයා දැක්වූ අසාමාන්ය දක්ෂතාව කැපී පෙනුණි.
මෙය අයිපීඑල් ඉතිහාසයේ වාර්තා වූ තෙවන වේගවත්ම අර්ධ ශතකය වන අතර, සූර්යවංශී මෙවර තරඟාවලියේ ඉනිම 4කදී ලකුණු 200ක් රැස් කරමින් දැනට වැඩිම ලකුණු ලාභියා බවට පත්ව සිටී. ඔහුගේ ප්රහාරක වේගය (Strike rate) 266.6 ක් වැනි ඉහළ මට්ටමක පැවතීම විශේෂත්වයකි.
