දකුණු කොරියානු ජනතාව අතර එක්සත් ජනපදයට (U.S.) පවතින ජනප්රියතාව සහ විශ්වාසනීයත්වය වසර 20 කට පමණ පසු ප්රථම වතාවට දැඩි ලෙස පහත වැටී ඇති බව Pew Research Center මඟින් සිදුකරන ලද නවතම ජනමත සමීක්ෂණයකින් හෙළි වී තිබේ.
එම සමීක්ෂණ වාර්තාවලට අනුව, දකුණු කොරියානුවන්ගෙන් 55% ක ප්රතිශතයක් මේ වන විට ඇමෙරිකාව දෙස සප්රසාදයෙන් නොබලන අතර, එය පසුගිය වසරේ පැවැති 39% ක ප්රතිශතයට සාපේක්ෂව කැපී පෙනෙන ඉහළ යාමකි. එසේම, ඇමෙරිකාව විශ්වාසදායක සහකරුවෙකු ලෙස දකින ප්රතිශතය 2022 වසරේ පැවැති 83% සිට 57% දක්වා පහත බැස ඇත.
ඇමෙරිකානු ජනාධිපති ඩොනල්ඩ් ට්රම්ප් මහතාගේ ඇතැම් විදේශීය හා ආර්ථික ප්රතිපත්ති මෙම තත්ත්වයට සෘජුවම බලපා ඇති බව විශ්ලේෂකයෝ පෙන්වා දෙති. තීරුබදු පාලනය සම්බන්ධයෙන් 85% ක පිරිසක් අප්රසාදය පළ කර ඇති අතර, 74% ක පමණ පිරිසක් ඉරාන අර්බුදය සම්බන්ධයෙන් ඇමෙරිකානු ක්රියාමාර්ග අනුමත නොකරති. තවද, ඇමෙරිකාව මඟින් ලෝක සාමය සහ ස්ථාවරත්වය ආරක්ෂා කරන බවට විශ්වාස කළ 74% ක ප්රතිශතය 47% දක්වා දැවැන්ත ලෙස පහත වැටී තිබේ.
වසර 73 කට වැඩි කාලයක් ප්රබල රාජ්ය තාන්ත්රික හා ආරක්ෂක මිත්රයෙකු ලෙස පැවැති එක්සත් ජනපදය සම්බන්ධයෙන් දකුණු කොරියානු මහජනතාවගේ මෙම ආකල්පමය වෙනස ආසියාතික කලාපයේ ඉදිරි රාජ්ය තාන්ත්රික සබඳතාවලට විශාල බලපෑමක් එල්ල කරනු ඇතැයි අපේක්ෂා කෙරේ.
තොරතුරු උපුටා ගැනීම: Mario nawfal(X) ඇසුරින්
