පාකිස්ථානය සහ සෞදි අරාබිය අතර පවතින ආරක්ෂක ගිවිසුමකට අනුව, සෞදි අරාබියේ ආරක්ෂාව තර කිරීම සඳහා පාකිස්ථානය විසින් ප්රහාරක යානා සහ අතිරේක හමුදා බලඇණි එරට වෙත යවා තිබේ. සෞදි අරාබියේ නැගෙනහිර පළාතේ පිහිටි කිං අබ්දුල්අසීස් (King Abdulaziz) ගුවන් හමුදා කඳවුර වෙත මෙම ප්රහාරක යානා ළඟා වූ බව සෞදි ආරක්ෂක අමාත්යාංශය අද (11) තහවුරු කළේය.
පසුගිය සඳුදා ඉරානය විසින් සෞදි අරාබියේ ජුබයිල් (Jubail) පෙට්රොකෙමිකල් සංකීර්ණයට එල්ල කළ ප්රහාරයෙන් සෞදි ජාතිකයෙකු මියයාම සහ බලශක්ති යටිතල පහසුකම්වලට හානි වීම හේතුවෙන් මෙම පියවර ගෙන ඇත. මෙම යානා කිසිවෙකුට ප්රහාර එල්ල කිරීමට නොව, කලාපීය ස්ථාවරත්වය සහ සෞදි අරාබියේ ආරක්ෂාව සහතික කිරීම සඳහා යෙදවූ බව පාකිස්ථාන බලධාරීන් පවසයි. 2025 සැප්තැම්බර් මාසයේ අත්සන් කරන ලද ආරක්ෂක ගිවිසුමට අනුව, දෙරටින් ඕනෑම රටකට එල්ල වන ආක්රමණයක් දෙරටටම එල්ල වූ ප්රහාරයක් ලෙස සැලකීමට ඔවුන් එකඟ වී ඇත.
