ලන්ඩනයේ ට්රැෆල්ගර් චතුරශ්රයේ (Trafalgar Square) පැවැති දැවැන්ත විරෝධතාවක් අතරතුර පුද්ගලයින් 212 දෙනෙකු අත්අඩංගුවට ගත් බව බ්රිතාන්ය පොලිසිය අද (11) නිවේදනය කළේය. බ්රිතාන්ය රජය විසින් ‘පලස්තීන ඇක්ෂන්’ (Palestine Action) කණ්ඩායම තහනම් කිරීමට එරෙහිව මෙම විරෝධතාව සංවිධානය කර තිබුණි.
මෙම කණ්ඩායම ත්රස්තවාදී සංවිධානයක් ලෙස නම් කර පැනවූ තහනම නීති විරෝධී බවට ලන්ඩන් මහාධිකරණය පෙබරවාරි මාසයේදී තීන්දු කර තිබුණද, රජය එම තීන්දුවට එරෙහිව අභියාචනයක් ඉදිරිපත් කර ඇත. තහනම් කර ඇති සංවිධානයකට සහය දක්වන පුද්ගලයින් මෙලෙස අත්අඩංගුවට ගත් බව මෙට්රොපොලිටන් පොලිසිය සඳහන් කරයි.
ගාසා තීරයේ සිදුවන යුද අපරාධවලට බ්රිතාන්ය රජය හවුල් වන බවට චෝදනා කරන මෙම කණ්ඩායමේ සාමාජිකයින් පිරිසක් පසුගිය ජූලි මාසයේදී රාජකීය ගුවන් හමුදා කඳවුරකට කඩා වැදීමෙන් පසුව ඔවුන්ව තහනම් කිරීමට පියවර ගැනුණි. අද පැවැති විරෝධතාවයට සහභාගී වූවන් පලස්තීන ධජ සහ පුවරු ප්රදර්ශනය කරමින් සාමකාමීව අසුන්ගෙන සිටියද, තහනම උල්ලංඝනය කිරීම යන චෝදනාව මත පොලිසිය ඔවුන්ව ඉවත් කිරීමට පියවර ගත්තේය.
