පේරු රාජ්යයේ ඊයේ (12) පැවැති ජනාධිපතිවරණයේ නිල ඡන්ද ගණන් කිරීමේ මූලික ප්රතිඵල අනුව දක්ෂිණාංශික අපේක්ෂකයෙකු වන රෆායෙල් ලෝපෙස් අලියගා (Rafael Lopez Aliaga) 23.4% ක ඡන්ද ප්රතිශතයක් ලබා ගනිමින් පෙරමුණේ පසුවෙයි. නිල වශයෙන් ගණන් කරන ලද මුල් ඡන්ද 5% ක ප්රමාණයට අනුව මධ්ය වාමපාර්ශ්වික අපේක්ෂක ජෝර්ජ් නීටෝ (Jorge Nieto) 16.4% ක ඡන්ද ප්රතිශතයක් ලබා ගනිමින් දෙවන ස්ථානයේ පසුවන බව රොයිටර් පුවත් සේවය වාර්තා කරයි.
මෙම මැතිවරණයේ තෙවන ස්ථානය දක්ෂිණාංශික අපේක්ෂිකාවක වන කීකෝ ෆුජිමෝරි (Keiko Fujimori) හට හිමිව ඇති අතර ඇය ලබාගෙන ඇති ඡන්ද ප්රතිශතය 16.1% කි. පේරු මැතිවරණ නීතියට අනුව ජයග්රහණය තහවුරු කිරීමට නම් අපේක්ෂකයෙකු 50% කට වඩා වැඩි ඡන්ද ප්රතිශතයක් ලබාගත යුතුය. කිසිදු අපේක්ෂකයෙකු එම සීමාව ඉක්මවා නොගියහොත් වැඩිම ඡන්ද ලබාගත් අපේක්ෂකයින් දෙදෙනා අතර දෙවන වටයේ ඡන්ද විමසීම ජූනි මස 07 වනදා පැවැත්වීමට නියමිතය.
මෙම මැතිවරණ ප්රතිඵලය පේරු රාජ්යයේ අනාගත ආර්ථික සහ දේශපාලන ස්ථාවරත්වය කෙරෙහි තීරණාත්මක බලපෑමක් ඇති කරනු ඇතැයි දේශපාලන විචාරකයෝ පවසති. විශේෂයෙන්ම ව්යාපාරිකයෙකු වන අලියගාගේ ඉදිරිගමන ජාත්යන්තර ආයෝජකයින්ගේ අවධානයට ද ලක්ව තිබේ.
