සෑම වසරකම වැඩිම අනතුරු සංඛ්යාවක් වාර්තා වන්නේ අලුත් අවුරුදු උත්සව සතියේදී බව සෞඛ්ය අමාත්යාංශය පෙන්වා දෙයි. බෝ නොවන රෝග ඒකකයේ අනතුරු නිවාරණ අංශයේ ප්රධානී, ප්රජා වෛද්ය විශේෂඥ සමිත සිරිතුංග මහතා සඳහන් කළේ අනතුරු අවම කර ගැනීම සඳහා වඩාත් සුපරීක්ෂාකාරීව කටයුතු කිරීම අත්යවශ්ය බවයි. වසරේ සෙසු කාලසීමාවන්ට වඩා මෙම සතියේදී සිදුවන අනතුරුවලින් මියයන සංඛ්යාව ඉහළ මට්ටමක පවතින බව ද ඔහු අවධාරණය කළේය.
සාමාන්යයෙන් රිය අනතුරුවලට ලක්ව සතියකට රෝහල්ගත වන සංඛ්යාව 25,000ත් 26,000ත් අතර වුවද, අවුරුදු සතියේදී එම ප්රමාණය 29,000ක් දක්වා ඉහළ යන බව විශේෂඥ වෛද්යවරයා පෙන්වා දුන්නේය. මේ හේතුවෙන් අවුරුදු කාලසීමාව තුළ කුඩා දරුවන්ගේ ආරක්ෂාව සම්බන්ධයෙන් දෙමාපියන් සහ වැඩිහිටියන් වැඩි අවධානයක් යොමු කළ යුතු බවට සෞඛ්ය අංශ උපදෙස් ලබා දෙයි.
