පසුගිය සති අන්තයේ පකිස්ථානයේ පැවති සාම සාකච්ඡා අසාර්ථක වීමෙන් අනතුරුව, ඇමෙරිකානු උප ජනාධිපති ජේ.ඩී. වෑන්ස් ප්රකාශ කර ඇත්තේ වොෂින්ටනය සහ ටෙහෙරානය අතර පවතින දැඩි “අවිශ්වාසය” එක රැයකින් සමනය කළ නොහැකි බවයි. ඉරානය සමඟ පැවති සාකච්ඡාවලදී ඇමෙරිකානු දූත පිරිසේ ප්රධාන සාකච්ඡාකරු ලෙස කටයුතු කළේ ද වෑන්ස් මහතාය. දෙපාර්ශ්වය අතර මෙවැනි ඉහළ මට්ටමේ හමුවක් පසුගිය දශක පහක කාලය තුළ සිදු නොවූවක් බවත්, දෙරට අතර පවතින ගැටලු නිරාකරණයට තවදුරටත් කාලය අවශ්ය බවත් ඔහු පෙන්වා දුන්නේය.
කෙසේ වෙතත්, ඉරාන නියෝජිතයින් යම් එකඟතාවයකට පැමිණීමට කැමැත්තෙන් සිටින බවත්, දෙපාර්ශ්වයේම ස්ථාවරයන් පිළිබඳව තමා සුභවාදීව බලන බවත් උප ජනාධිපතිවරයා වැඩිදුරටත් සඳහන් කළේය. මේ අතර, ලබන දින දෙක ඇතුළත ඉස්ලාමාබාද් නුවරදී යළිත් සාම සාකච්ඡා ආරම්භ විය හැකි බවට ජනාධිපති ඩොනල්ඩ් ට්රම්ප් විසින් ඉඟි පල කර තිබේ. ඉරාන යුද්ධය නිමාවට පත් කිරීම සඳහා ඉන්දියාව මැදිහත් වන්නේද යන්න පිළිබඳව ද මේ වන විට ජාත්යන්තර අවධානය යොමුව පවතී.
