ඉරානය සමඟ පවතින යුදමය වාතාවරණය හමුවේ ඇමෙරිකාව සිය ආරක්ෂාව වෙනුවෙන් වාර්ෂිකව ඩොලර් බිලියන 800කට වඩා වැය කළද මේ වන විට එරට දැඩි ආයුධ, යුධ නෞකා සහ ගුවන් යානා හිඟයකට මුහුණ පා සිටින බව වාර්තා වේ. විශේෂයෙන්ම ට්රම්ප් පාලන සමය තුළ විවිධ රටවල් ඉලක්ක කරගනිමින් අති නවීන ‘ටොමහෝක්’ (Tomahawk) කෲස් මිසයිල බහුලව භාවිත කිරීම මෙම තත්ත්වයට ප්රධාන හේතුවක් වී තිබේ. ඉරාන යුද්ධයේ පළමු මාසය තුළ පමණක් ඇමෙරිකාව ඩොලර් බිලියන 3ක් වටිනා ටොමහෝක් මිසයිල 850කට වඩා භාවිත කර ඇති අතර වොෂින්ටනයේ උපායමාර්ගික සහ ජාත්යන්තර අධ්යයන මධ්යස්ථානය (CSIS) ඇස්තමේන්තු කරන්නේ මේ වන විට ඇමෙරිකාව සතුව ඉතිරිව ඇත්තේ මිසයිල 3,000ත් 4,000ත් අතර ප්රමාණයක් පමණක් බවයි.
එමෙන්ම ඊශ්රායලයේ ස්ථානගත කර ඇති THAAD ගුවන් ආරක්ෂක පද්ධති හරහා ඇමෙරිකාව සතු සමස්ත මිසයිල ප්රමාණයෙන් හතරෙන් එකක් මේ වන විටත් වෙඩි තබා ඇති අතර ඉරාන ප්රහාරයකින් එක් පද්ධතියකට හානි සිදුවීම නිසා දකුණු කොරියාවේ තිබූ පද්ධතියක කොටස් පවා ගෙන්වා ගැනීමට පෙන්ටගනයට සිදුව ඇත. ලොක්හීඩ් මාටින් සමාගම වසරකට නිෂ්පාදනය කරන්නේ THAAD මිසයිල 100ක් පමණක් වන නමුත් 2026 ආරක්ෂක අයවැයෙන් ප්රතිපාදන වෙන් කර ඇත්තේ නව ටොමහෝක් මිසයිල 57ක් මිලදී ගැනීමට පමණි. තායිවානය සම්බන්ධයෙන් චීනය සමඟ ගැටුමක් ඇති වුවහොත් ඇමෙරිකානු ප්රධාන ආයුධ සංචිත මාසයක් ඇතුළත සම්පූර්ණයෙන්ම අවසන් වනු ඇති බවට CSIS ආයතනය අනතුරු අඟවන අතර ඉරානය වැනි රටවල් සමඟ සටන් කිරීමේදී මෙලෙස සංචිත ක්ෂය වීම ඉදිරියේදී චීනය වැනි ප්රබල රාජ්යයක් සමඟ ඇති විය හැකි ගැටුමකදී ඇමෙරිකාව දැඩි අවාසිදායක තත්ත්වයකට ඇද දැමීමට හේතු විය හැකි බව විද්වතුන් පෙන්වා දෙයි.
