පසුගිය කාලසීමාව තුළ සිදුවූ යම් අතපසුවීම් හෝ වැරදි පවතී නම් ඒවා හඳුනාගෙන නිවැරදි කරමින් රටක් සහ ජාතියක් ලෙස ඉදිරියට යා යුතු බව ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතා අද (17) ප්රකාශ කළේය. තංගල්ල කාල්ටන් නිවසේදී අලුත් අවුරුදු චාරිත්ර ඉටු කිරීමෙන් අනතුරුව මාධ්ය වෙත අදහස් දක්වමින් ඔහු මේ බව කියා සිටියේය.
අපේ සංස්කෘතික අනන්යතාව මතු පරම්පරාව උදෙසා ආරක්ෂා කර දීමේ වැදගත්කම අවධාරණය කළ මන්ත්රීවරයා, එළඹ ඇති වසර අභියෝගාත්මක එකක් වුවද එම අභියෝග ජයග්රහණය කිරීමට හැකි වනු ඇතැයි තමන් විශ්වාස කරන බව ද පැවසීය. විශේෂයෙන්ම තරුණ පරම්පරාව අතීත වැරදි හඳුනාගෙන රට ගොඩනැඟීමේ කාර්යය සඳහා පෙරමුණ ගත යුතු බවත්, අපේකම සහ සංස්කෘතික පදනම ආරක්ෂා කර ගනිමින් ඉදිරියට යා යුතු බවත් ඔහු වැඩිදුරටත් සඳහන් කළේය.
